महाराष्ट्रात सध्या शेवटच्या टप्प्यातील मतदानाला उत्स्फूर्त प्रतिसाद मिळत आहे. या मतदानासाठी मनोरंजन क्षेत्रातील कलाकारांनीही मतदानाचा हक्क बजावला आहे. अनेक ठिकाणी शांततेत मतदान पार पडले तर काही ठिकाणी व्यवस्थेवर टिकादेखील करण्यात आली. अशातच आता बॉलिवूडमधील ज्येष्ठ अभिनेते धर्मेंद्र यांचा रागावतानाचा व्हिडीओ सोशल मीडियावर मोठ्या प्रमाणात व्हायरल होत आहे. तसेच एका ठिकाणी अभिनेते परेश रावलदेखील सुनावताना दिसत आहेत. हे नक्की प्रकरण काय आहे? ते जाणून घेऊया. (dharmendra and paresh rawal on election)
सोमवारी सकाळपासून सर्वच कलाकारांनी आपापल्या विभागात मतदानाचा हक्क बजावला. या दरम्यान धर्मेंद्र यांचा एक व्हिडीओ समोर आलं आहे. या व्हिडीओमध्ये ते चिडलेले दिसत आहेत. धर्मेंद्र यांचा राग पाहून लोकांनाही मोठा धक्का बसला. या व्हिडीओमध्ये कॅमेऱ्यासमोर ओरडताना दिसत आहेत. एका कॅमेरामनने प्रश्न विचारताच ते चिडले. ते म्हणाले की, “यार शायर व्हा,देशभक्त व्हा,चांगली व्यक्ती व्हा, आई-वडिलांवर प्रेम करा”.
#WATCH | Bollywood actor Paresh Rawal says, "…There should be some provisions for those who don't vote, like an increase in tax or some other punishment." pic.twitter.com/sueN0F2vMD
— ANI (@ANI) May 20, 2024
त्यानंतर ते म्हणाले की, “मला माहीत आहे तुम्हाला माझ्याकडून काय काढून घ्यायचं आहे ते”. तसेच मतदान केल्यानंतर धर्मेद्र यांनी काही फोटोदेखील शेअर केले आहेत. फोटो शेअर करत लिहिले आहे की, “भारतीय असण्याचा मोठा पुरावा म्हणजे मतदान. या हक्काचा फायदा घ्या व नक्की मतदान करा”.
याबरोबरच परेश यांचा व्हिडीओदेखील मोठ्या प्रमाणात व्हायरल होत आहे. परेश यांनी मतदान करण्याचे आवाहान केले आहे. तसेच जे लोक मतदान करत नाहीत त्यांच्यासाठी काहीतरी शिक्षा नक्की असावी. ते म्हणाले की, “जे लोक मतदान करणार नाहीत त्यांच्या करामध्ये वाढ करावी किंवा काहीतरी शिक्षा नक्की द्यावी. यामुळे त्यांना जबाबदारीची जाणीव होईल”. परेश यांच्या वक्तव्यावर अनेकांनी नाराजी दर्शवली आहे. एका नेटकऱ्याने म्हंटले आहे की, “आता हुकुमशाही करणार. दुसरा नेटकरी म्हणाला की, “हा लोकशाहीचा अधिकार आहे. कोणीही जबरदस्ती करु शकत नाही”.
दरम्यान धर्मेंद्र व परेश यांनी मतदानाचा हक्क बजावला असून धर्मेंद्र यांनी सोशल मीडियावर मतदान केल्याचा फोटो शेअर केला आहे. तसकह नागरिकांना मतदान करण्याचे आवाहानही केले आहे.