बॉलिवूड विश्वात सध्या सर्वत्र आनंदाचं वातावरण आहे. हिंदी मनोरंजन विश्वात कुणी लवकरच विवाहबंधनात अडकणार आहे, तर कुणाच्या घरी लहान चिमूकल्याचे आगमन होणार आहे. नुकतीच अभिनेत्री यामी गौतमच्या घरीही चिमुकल्या पाहुण्याचे आगमन होणार असल्याची चर्चा सुरू आहे. यामी प्रेग्नंट असून लवकरच ती आई होणार असल्याचे म्हटले जात आहे. यामीच्या प्रेग्नंसीच्या चर्चा सुरू असतानाच बॉलिवूड विश्वातून आणखी एक खुशखबर समोर येत आहे.
बॉलिवूड अभिनेता वरुण धवन लवकरच बाबा होणार आहे. वरुणने नुकतीच त्याच्या चाहत्यांना आनंदाची बातमी दिली आहे. वरुणने त्याच्या सोशल मीडियावर एक पोस्ट केली आहे आणि या पोस्टद्वारे तो बाबा होणार असल्याचे जाहीर केले आहे. वरुणने नताशाबरोबरचा एक फोटो शेअर केला असून या फोटोद्वारे त्याने बाबा होणार असल्याची आनंदवार्ता सांगितली आहे.
आणखी वाचा – “विलासरावांना जाऊन…”, स्टेजवर वाडिलांबाबत बोलताना ढसाढसा रडू लागला रितेश देशमुख, आईलाही अश्रु अनावर अन्…
वरुण धवनने नताशाबरोबरचा ब्लॅक अँड व्हाईट फोटो शेअर केला असून या फोटोमध्ये तो नताशाच्या पोटाला किस करत असल्याचे पाहायला मिळत आहे. हा खास फोटो शेअर करत त्याने “आम्ही प्रेग्नंट आहोत, तुमच्या आशीर्वादाची गरज आहे” असं म्हटलं आहे. वरुणच्या या पोस्टवर त्याच्या अनेक चाहत्यांसह बॉलिवूडच्या बड्या कलाकारांनी शुभेच्छांचा वर्षाव केला आहे.
आणखी वाचा – “काळ आला होता पण…”, रश्मिका मंदानाने शेअर केलेल्या ‘त्या’ फोटोमुळे खळबळ, म्हणाली, “मरता मरता…”
दरम्यान, २०२१मध्ये वरुण व नताशाने एकमेकांबरोबर विवाहगाठ बांधली होती. अत्यंत शाही पद्धतीने वरुण व नताशा यांचा विवाह पार पडला होता आणि आता लग्नाच्या तीन वर्षांनंतर या दोघांनी खुशखबर दिली आहे.
