मराठी व बॉलीवूड सिनेसृष्टीतील नेहमी चर्चेत असणारं आणि लोकप्रिय कपल म्हणजेच रितेश देशमुख व जेनेलिया देशमुख. रितेश व जेनेलिया सोशल मीडियावर बऱ्यापैकी सक्रिय असतात. सोशल मीडियाच्या माध्यमातून ते नेहमीच चाहत्यांच्या संपर्कात राहत असतात. रितेश-जेनेलिया यांचं आई वडील म्हणून नेहमीच कौतुक होताना पाहायला मिळतं. कारण त्यांनी त्यांच्या मुलांवर केलेले संस्कार साऱ्यांनाच विशेष भावतात. कॅमेरासमोर येताना त्यांची दोन्ही मुलं कायम आदराने हात जोडून नमस्कार करताना दिसतात. त्यांची ही सवय प्रेक्षकांना विशेष आवडते. (Riteish Deshmukh and Genelia Deshmukh)
सोशल मीडियावर कायमच सक्रिय असणाऱ्या रितेश व जेनेलियाने आजवर प्रेक्षकांची मनं जिंकली आहेत. महाराष्ट्राचे दिवंगत माजी मुख्यमंत्री विलासराव देशमुख यांचा लेक म्हणजेच रितेश देशमुख आहे. राजकारण सोडून रितेशने अभिनयाची आवड जोपासत सिनेसृष्टीत आपलं स्थान निर्माण केलं. कुटुंबाच्या पाठिंब्यापायी रितेश स्वमेहनतीवर सिनेसृष्टीत स्वतःची जागा निर्माण केली. आज महाराष्ट्राचे दिवंगत माझी मुख्यमंत्री विलासराव देशमुख यांची जयंती आहे.
दिवंगत माझी मुख्यमंत्री विलासराव देशमुख यांच्या जयंतीनिमित्त रितेशने संपूर्ण कुटुंबासह वडिलांच्या स्मृतीस्थळी जाऊन त्यांना आदरांजली वाहिली आहे. याचे काही फोटो रितेश व जेनेलिया यांनी त्यांच्या इन्स्टाग्राम अकाउंटवरुन शेअर देखील केले आहेत. जेनेलियाचा देशमुख कुटुंबातील वावर सर्वांनाच माहित आहे. सून म्हणून नाही तर मुलगी म्हणून जेनेलिया नेहमीच देशमुख यांच्या घरी वावरताना दिसते. तिच्या सासू-सासर्यांनी ही कायम तिच्यावर मुलीसारखंच प्रेम केलेलं पाहायला मिळालं.
रितेशने या फोटोला ‘वाढदिवसाच्या शुभेच्छा पप्पा’, असं कॅप्शन देत पोस्ट शेअर केली आहे. या फोटोमध्ये रितेश, जेनेलिया आणि त्यांची दोन्ही मुलं राहील आणि रियान विलासराव देशमुख यांना आदरांजली वाहताना दिसत आहेत. तर दुसऱ्या फोटोमध्ये संपूर्ण देशमुख कुटुंब एकत्र पाहायला मिळत आहे. रितेश व जेनेलिया यांच्या या पोस्टवर कमेंट करत विलासराव देशमुख यांनी जुन्या आठवणींना उजाळा दिलेला पाहायला मिळत आहे.