बॉलीवूडमधील सध्याचा आघाडीचा आणि हरहुन्नरी अभिनेत्यांमध्ये राजकुमार रावचे नाव आवर्जून घेतले जाते. २०१० साली त्याने ‘लव्ह सेक्स और धोका’ या चित्रपटातून अभिनयक्षेत्रात पदर्पण केले. त्यानंतर त्याने अनेक चित्रपटांमध्ये महत्त्वपूर्ण भूमिका केल्या आहेत. अशातच त्याचा एक कमालीचा नवा चित्रपट प्रेक्षकांच्या भेटीला येत आहे. या चित्रपटाचे नाव ‘श्रीकांत’ असून यामध्ये राजकुमार मुख्य भूमिकेमध्ये पाहायला मिळत आहे. नुकताच या चित्रपटाचा ट्रेलर लॉंच झाला आहे. “मै अंधा हू, पैसे मुझे दो, इनको जॉब हम देंगे” अशा त्याच्या अनेक संवादांनी प्रचंड लक्ष वेधले आहे. यामध्ये त्याने एका अंध व्यक्तीची भूमिका साकारली असून सर्वांनी त्याच्या भूमिकेचे कौतुक केले. त्याच्याबरोबर या चित्रपटामध्ये मराठमोळा सुप्रसिद्ध अभिनेता भरत जाधवदेखील महत्त्वपूर्ण भूमिकेमध्ये असल्याचे पाहायला मिळाले आहे. (Srikanth movie trailer)
राजकुमारने भारतीय उद्योगपती व बोलंट इंडस्ट्रीजचे संस्थापक श्रीकांत बोल्ला यांची भूमिका साकारली आहे. ते लहानपणापासूनच दृष्टीहीन आहेत. असे असतानाही त्यांनी असे काही करुन दाखवले जे इतर सामान्य मुलाला करणे अशक्य असते. श्रीकांत यांची स्वप्न मोठी होती. ती पूर्ण करण्यासाठी त्यांनी जराही कसर सोडली नाही. अंध असूनही ते अभ्यासात खूप हुशार होते. अनेकांनी त्यांची मस्करीही केली. पण त्यांनी न डगमगता त्यांनी यश मिळवले. त्यांची सर्व कहाणी या चित्रपटामध्ये पाहायला मिळणार आहे.
श्रीकांत यांना स्वतःच्या देशात शिक्षण घेण्यासाठी किती समस्या आल्या याबद्दल दाखवण्यात आले आहे. पण शिक्षणामध्ये अडचणी असतानाही जगातील टॉप कॉलेजमध्ये मॅसाच्युएट्स इन्स्टीट्युटमध्ये प्रवेश मिळाला होता. त्यांच्या एकूण प्रवासामध्ये त्यांच्या स्टार्टअपमध्ये देशाचे राष्ट्रपती डॉ. ए.पी.जे. अब्दुल कलाम यांनी गुंतवणूक केली होती.
हीच भूमिका घेऊन राजकुमार सगळ्यांच्या समोर आलं आहे. दिग्दर्शक तुषार हिरानंदानीने या चित्रपटाच्या दिग्दर्शनाची धुरा सांभाळली आहे. भूषण कुमार, कृष्ण कुमार, व निधी परमार हिरानंदानी यांनी चित्रपटाची निर्मिती केली आहे. या चित्रपटामध्ये राजकुमारबरोबर दाक्षिणात्य अभिनेत्री ज्योतिका व अलाया एकदेखील महत्त्वपूर्ण भूमिका साकारणार असून. मराठी अभिनेते भरत जाधव यांनी न्यायाधीशाची भूमिका सकारली आहे. हा चित्रपट १० मे २०२४ रोजी चित्रपटगृहामध्ये प्रदर्शित होणार आहे.