बॉलिवूड अभिनेता व आमिर खानचा भाचा असलेला इमरान खान गेल्या अनेक वर्षांपासून बॉलिवूडपासून लांब आहे. २००८ मध्ये ‘जाने तू या जाने ना’ चित्रपटातून पदार्पण करणाऱ्या इमरानने अनेक चित्रपटांत काम केले. नंतर, त्याच्या बऱ्याच चित्रपटांना बॉक्स ऑफिसवर मोठं अपयश मिळाले. तो बराच काळ बॉलिवूडपासून लांब राहिला. २०११ मध्ये इमरानने अवंतिका मलिकशी लग्न केलं. मात्र काही काळानंतर दोघांमध्ये मतभेद झाले, ज्यामुळे २०१९ मध्ये ते विभक्त झाले. अशातच, घटस्फोटानंतर इमरानच्या आयुष्यात आता एका अभिनेत्रीची एन्ट्री झाल्याचे समोर आलं आहे. (Imran Khan spotted with Lekha Washington)
अभिनेत्री कृति खरबंदा हिच्या बर्थडे पार्टीला अनेक बॉलिवूड कलाकारांनी हजेरी लावली होती. यावेळी तो त्याची कथित गर्लफ्रेंड लेखा वॉशिंग्टनबरोबर एकत्र स्पॉट झाला. नुकतेच या पार्टीचे व्हिडीओ सोशल मीडियावर समोर आले. ज्यामध्ये इमरान आणि लेखा उपस्थित पापाराझींना स्मित हास्य करत पोझ देत आहे. काळ्या रंगाचा टी-शर्ट, राखाडी रंगाची पँट आणि स्निकर्स असा पेहराव इमरानने केला होता. तर लेखाने फ्लोअर गाऊन परिधान केला होता. दोघेही अतिशय सुंदर दिसत असून यावेळी या जोडीला पाहून अनेकांच्या भुवया उंचावल्या.
हे देखील वाचा – Bigg Boss 17 : “स्विमिंग पूलमध्ये मस्ती, हातावर किस अन्…”, अभिषेक कुमार व खानजादीमध्ये जवळीक, ईशा मालवीयचा जळफळाट
दरम्यान, याआधीही हे दोघे विविध ठिकाणी एकत्र फिरताना दिसले आहे. दोघांनी ‘मटरू की बिजली का मन डोला’ या चित्रपटात एकत्र काम केलेलं असून गेली अनेक वर्ष हे दोघे एकमेकांना डेट करत आहे. तसेच समोर आलेल्या माहितीनुसार असा दावा केला जातं की, लेखाबरोबरच्या अफेअरमुळे इमरान आणि अवंतिकाचं घटस्फोट झाला आहे. इमरानची कथित गर्लफ्रेंड लेखा वॉशिंग्टन दक्षिणेतील प्रसिद्ध अभिनेत्री असून तीदेखील विवाहित आहे.
हे देखील वाचा – “झोपून घे बाई…”, सई लोकूरच्या व्हिडीओवर क्रांती रेडकरची कमेंट, म्हणाली, “तुला व तुझ्या येणाऱ्या बाळाला…”
इमरानने ‘किडनॅप’, ‘मेरे ब्रदर की दुल्हन’, ‘डेल्ही बेल्ली’ यांसारख्या अनेक हिट चित्रपटांमध्ये काम केलं. २०१५ मध्ये तो ‘कट्टी बट्टी’ चित्रपटात शेवटचा दिसला होता. त्यानंतर मात्र त्याच्या अनेक चित्रपटांना बॉक्स ऑफिसवर फारसा यश मिळालं नाही. ज्यामुळे त्याने ही इंडस्ट्री सोडली. दरम्यान, या जोडीचे फोटोज व्हायरल होताच सोशल मीडियावर याची जोरदार चर्चा रंगली.