Govinda Sunita relationship : बॉलिवूडमधील नेहमीच चर्चेत असलेला अभिनेता म्हणजे गोविंदा. गोविंदा आजवर त्याच्या खासगी आयुष्यामुळे चर्चेत राहिलेला पाहायला मिळाला आहे. गोविंदा आणि त्याची पत्नी सुनीता अहुजा काही दिवसांपूर्वी घटस्फोट घेणार असल्याच्या चर्चांना उधाण आलं होतं. या चर्चा इतक्या वाऱ्यासारख्या पसरल्या की शेवटी दोघांनी एकत्र येत या चर्चा अफवा असल्याचं स्पष्ट केलं. मध्यंतरीच्या काळात गोविंदाची पत्नी सुनीता हिने गोविंदावर गंभीर आरोप केले. मात्र कालांतराने तिने या आरोपांना सांभाळून घेत भाष्य केलं. त्यामुळे त्यावेळी तिचं बोलणं द्विधा मनस्थितीत अडकवणारं वाटलं. यानंतर आता गोविंदानेही पत्नीबद्दल नुकत्याच दिलेल्या मुलाखतीत भाष्य केलं आहे.
गोविंदाने नुकतीच काजोल व ट्विंकल यांच्या ‘टू मच विथ काजोल अँड ट्विंकल’ या कार्यक्रमात हजेरी लावली. यावेळी पत्नीबद्दल बोलताना गोविंदा म्हणाला, “ती अगदीच लहान मुलासारखी आहे. माझी मुलं तिला त्यांचंच मूल आहे अशा पद्धतीनं सांभाळतात. सुनीता लहान बाळ आहे. पण तिनं आमचं घर सांभाळलं आणि जबाबदाऱ्या पार पाडल्या आहेत. ती एक निरागस मूल आहे. तिचे शब्द कधीच चुकीचे नसतात. फक्त एवढंच आहे की, ती जे नाही बोललं पाहिजे तेसुद्धा बोलते”.
आणखी वाचा – पंकज धीर पाठोपाठ दिग्गज बॉलिवूड अभिनेत्रीचे निधन, सिनेसृष्टीवर शोककळा
पुढे तो म्हणाला, “एक वेळ अशी होती जेव्हा तो तिला समजून घेऊ शकला नाही”. अभिनेता याबद्दल म्हणाला, “पुरुष घर चालवतात, पण स्त्रिया पूर्ण जग चालवतात”. या कार्यक्रमात गोविंदाला सुनीतानं कधी त्याच्या चुका सांभाळून घेतल्या आहेत का?, असा सवाल केला. यावर उत्तर देताना तो म्हणाला, “तिनं स्वतःच खूप चुका केल्या आहेत. मी तिला आणि संपूर्ण कुटुंबाला अनेकदा माफ केलं आहे. कधी कधी मला असं वाटतं की, आपण त्यांच्यावर खूप निर्भर असतो. विशेषकरुन जेव्हा तुमची आई तुमच्याबरोबर नसते”.
आणखी वाचा – “मोठा आशीर्वाद…”, बाबा होण्यासाठी विकी कौशल उत्सुक, पहिल्यांदाच केलं भाष्य, म्हणाला, “मी घर सोडणार…”
गोविंदा पुढे म्हणाला, “आई नसल्या कारणानं तुम्ही तुमच्या पत्नीवर खूप अवलंबून असता आणि जसजशी वेळ पुढे जात असते, तुमची पत्नी तुम्हाला तुमच्या आईसारखंच ओरडायला लागते. ती आईसारखंच समजावते. त्यांना हे लक्षात येत नाही पण आपण ते पाहत असतो. आपण पाहत आलेलो असतो की आता ती किती बदलली आहे आणि पूर्वी जेव्हा तरुण होती तेव्हा ती कशी होती”.
