‘बिग बॉस OTT ३’ला सुरुवात झाली असून सध्या या कार्यक्रमाची सर्वत्र चर्चा सुरु आहे. यावेळी कार्यक्रमाचे सूत्रसंचालन करणाऱ्या अनिल कपूर यांनी ‘बिग बॉस’च्या घरात अनेक बदल केले आहेत, जे प्रेक्षकांच्या पसंतीस पडत आहेत. अनिल कपूरने होस्ट केलेल्या या शोमध्ये तब्बल १६ स्पर्धकांनी प्रवेश केला आहे. हा कार्यक्रम सुरु झाला तेव्हापासून यांत रोज एक नवा ट्विस्ट पाहायला मिळत आहे. यावेळी सहभागी झालेले १६ स्पर्धक एकापेक्षा एक आहेत. (Bigg Boss OTT 3)
यंदाच्या ‘बिग बॉस ओटीटी’मध्ये अनेक प्रसिद्ध व्यक्तींनी प्रवेश केला आहे. या १६ स्पर्धकांमध्ये अरमान मलिक, कृतिका मलिक, पायल मलिक, टीव्ही अभिनेता सई केतन राव, वडा पाव गर्ल चंद्रिका दीक्षित, पौलमी दास, सना सुलतान, पत्रकार दीपक चौरसिया, सना मकबूल, लव कटारिया, शिवानी कुमारी, सोनम खान, नीरज गोयत, टॅरो कार्ड रीडर मुनिषा खटवानी, विशाल पांडे आणि रॅपर नावेद शेख यांचा समावेश आहे.
हे सर्व स्पर्धक ‘बिग बॉस’च्या घरात धुमाकूळ घालण्याचा प्रयत्न करत आहेत. यंदाच्या ‘बिग बॉस’मध्ये सर्वात जास्त मानधन घेणारा स्पर्धक नेमका कोण आहे याबाबत आज आपण जाणून घेणार आहोत. तो एखादा कलाकार किंवा YouTuber नाही. तर त्याजागी पत्रकार दीपक चौरसिया यांचे नाव आहे. ‘न्यूज २४’ च्या रिपोर्टनुसार, दीपक चौरसिया यावेळी शोमध्ये सर्वाधिक मानधन घेणाऱ्या स्पर्धकांपैकी एक आहेत. दीपक चौरसियानंतर कृतिका मलिक, अरमान मलिक, विशाल पांडे, नेझी, रणवीर शौरी, लव कटारिया आणि सना मकबूल यांचाही या यादीत समावेश आहे.
दीपक चौरसिया यांच्याबद्दल सांगायचे तर ते प्रसिद्ध पत्रकार आहेत. २००३ मध्ये त्यांनी डीडी न्यूजमध्ये संपादक म्हणून काम करण्यास सुरुवात केली. यानंतर ते अनेक प्रसिद्ध मीडिया संस्थांशी जोडले गेले. पुरस्कार विजेते पत्रकार अनेक वेळा वादाच्या भोवऱ्यात सापडले आहेत. काही वर्षांपूर्वी दीपक चौरसिया यांचा एक व्हिडीओ व्हायरल झाला होता, ज्यामध्ये ते नशेत असताना बातम्या वाचत होते. दरम्यान चुकीची बातमी वाचून शो तात्काळ बंद करण्यात आला. यामुळे त्यांची नोकरी गेली होती. याशिवाय त्यांच्यावरुन अनेक वादही झाले आहेत.
