‘बिग बॉस मराठी’चा नवा सिझन अगदी दिमाखात सुरु झाला आहे. पहिल्या दिवसापासूनच ‘बिग बॉस मराठी’च्या घरात प्रेमाचे वारे वाहायला सुरुवात झाली आहे. ‘बिग बॉस मराठी’च्या ग्रँड प्रीमियरला निक्की तांबोळी रितेश भाऊसमोरच स्प्लिट्सविलाची जान असलेल्या अरबाज पटेलवर फिदा झालेली दिसून आली. आता ‘बिग बॉस’च्या घरातील दुसऱ्या दिवशी छोटा पुढारी अर्थात घन:श्याम दरवडे निक्की आणि अरबाज यांना ग्रीन सिग्नल देताना दिसून येत आहे. (Bigg Boss Marathi 5 Updates)
‘बिग बॉस मराठी’च्या दुसऱ्या दिवसाचा प्रोमो समोर आला असून दुसऱ्याच दिवशी घरातील सदस्य रोमँटिक अंदाजात दिसून येत आहेत. प्रोमोमध्ये निक्की तांबोळी चहा बनवायला घेते. पण हीटर चालत नसल्याने ती छोटा पुढारीला ‘बिग बॉस’ला विनंती करण्यास सांगते. त्यावेळी छोटा पुढारी म्हणतो,”बिग बॉस’ आमच्या वहिनींचं तरी ऐका…”. त्यावर अरबाज त्याला म्हणतो,”थांबरे सकाळी सकाळी असं काय म्हणतो तू..”. पुढे छोटा पुढारी म्हणतो,”तुझं प्रेम उतू चाललंय ते सांगतोय. चहा उतू गेला तर काही बिघडत नाही”.
छोटा पुढारीच्या या वक्तव्यावर अरबाज व निक्कीला हसू अनावर होतं. अरबाज तर डोक्यालाच हात लावतो. त्यानंतरही छोटा पुढारी पुढे म्हणतो,”प्रेमात असचं असतं ‘बिग बॉस’. छोटा पुढारीमुळे ‘बिग बॉस मराठी’च्या घरात हास्य कल्लोळ होताना दिसत आहे. ‘बिग बॉस मराठी’च्या ग्रँड प्रीमियरला निक्की तांबोळी अरबाजकडे पाहून लाजताना दिसली होती. अरबाजला पाहून सगळंच विसरली असल्याचीही कबुली तिने दिली होती.
आणखी वाचा – नेत्राच्या पोटातून अद्वैतला ऐकू आली विचित्र वीणा व किंचाळी, नेत्रा व बाळ वाचणार का?
रितेश भाऊलाही निक्की थोडं थोडं काहीतरी होऊ शकतं असं म्हणाली होती. तर दुसरीकडे अरबाजही, निक्कीला आता सगळीकडे मीच दिसेन, माझ्याशिवाय तिला दुसरं काही सुचणार नाही, असं म्हणाला होता. त्यामुळे आता ‘बिग बॉस मराठी’च्या या सीझनमध्ये निक्की व अरबाजची जोडी जमणार का?, याकडे ‘बिग बॉस’प्रेमींचं लक्ष लागून राहील आहे.
