Sonali Raut Eliminate : ‘बिग बॉस’ मराठी सिझनचे सहावे पर्व सध्या तुफान व्हायरल होत आहे. यंदाच्या पर्वातील सगळ्याच स्पर्धकांनी अगदी पहिल्या दिवसापासून धुमाकूळ घालायला सुरुवात केली आहे. यंदाच्या पर्वातून सगळ्यात पहिली घराबाहेर पडणारी स्पर्धक म्हणजे राधा पाटील. यानंतर आता ‘बिग बॉस’च्या घरातून दुसरी स्पर्धक बाहेर आली आहे. दिपाली सय्यद, विशाल कोटियन, प्रभू शेळके, प्राजक्ता शुक्रे, करण सोनावणे, सोनाली राऊत ओमकार राऊत आणि रुचिता जामदार या आठ जणांवर एलिमिनेशनची टांगती तलवार होती. यापैकी सोनाली राऊतने ‘बिग बॉस मराठी’च्या घरातून एक्झिट घेतली आहे.
व्होटिंगनुसार ओमकार राऊत आणि सोनाली राऊत हे दोन स्पर्धक एलिमेशनच्या शेवटच्या राउंडमध्ये होते. या दोन राऊतपैकी एका राऊतचा पराभव नक्की होता. यांत सोनाली राऊत मागे पडली आणि ती घराबाहेर पडली. अवघ्या तीन आठवड्यांत सोनालीचा ‘बिग बॉस’च्या घरातील प्रवास संपला. दोन दिवसांपासून सोनाली राऊतची एक्झिट झाल्याच्या चर्चा सोशल मीडियावर रंगल्या होत्या. अखेर या चर्चांना आता पूर्णविराम मिळाला आहे.
आणखी वाचा – “आमचं रिलेशनशिपच टॉक्सिक झालं”, प्रियदर्शिनी इंदलकर रिलेशनबाबत स्पष्टच बोलली, म्हणाली, “लवकर लग्न…”
सोनालीच्या एक्झिटनंतर ती जेव्हा घराबाहेर आली तेव्हा तिने रितेश देशमुखसह संवाद साधला. सोनाली एवढ्या लवकर घराबाहेर पडेल असं कोणालाही अजिबात वाटलं नव्हतं. यावेळी सोनाली म्हणाली, “मला असं वाटतं सर्वांना माझ्याकडून खूप अपेक्षा होत्या. त्या मी पूर्ण करु शकले नाही. जेव्हा ‘बिग बॉस’च्या घरात मी गेले तेव्हा सगळ्या गोष्टी मला नवीन वाटल्या. घरातील अन्य सदस्यांशी मी इतकं छान जुळवून घेऊ शकले नाही”.
आणखी वाचा – हॉलिवूडला मोठा धक्का! ‘शिट्स क्रीक’ फेम अभिनेत्रीचे ७१व्या वर्षी निधन, तब्येत अचानक बिघडली आणि…
‘बिग बॉस’च्या घरात आता १५ स्पर्धक उरले आहेत. त्यामुळे हे १५ जण ‘बिग बॉस’च्या घरात काय गोंधळ घालणार याकडे साऱ्यांचं लक्ष लागून राहील आहे. इतकंच नाहीतर आता हे १५ स्पर्धक अलर्ट राहून खेळणार असं स्पष्ट दिसू लागलं आहे.
