Bigg Boss Marathi 6 : ‘बिग बॉस मराठी’च्या सहाव्या सिझनमध्ये स्पर्धकांमध्ये फूट पडायला सुरुवात झाली आहे. ‘बिग बॉस’च्या घरात आता दीपाली सय्यद आणि तन्वी यांच्यामध्ये ही भांडण झाल्याचं दिसून आलं. या वादादरम्यान दोघीही एकमेकांना बरं वाईट बोलताना दिसत आहेत. त्यांच्या या भांडणानंतर तर दीपाली सय्यद ढसाढसा रडताना दिसली. तन्वी ‘बिग बॉस’च्या घरात आल्यापासून भांडण करताना दिसत आहे. आता शुल्लक कारणावरुन पुन्हा एकदा तन्वीने दीपालीसह वाद घातला आहे.
यापूर्वीही तन्वीने सागर कारंडेसारख्या मोठ्या अभिनेत्याचा अपमान केला होता. वयाचा विचार न करता तन्वी तोंडाला येईल ते बोलते. आता पुन्हा एकदा तिने दीपालीसह वाद घातला आहे. दीपालीच्या मदतीला ती धावून आली पण त्याचाही तिने बोलबाला केला. यावर दीपालीनेही तन्वीला सुनावलं. यावेळी घरातील इतर सदस्यही तिथे येतात. दीपाली राकेश बापटला म्हणते, “मी जिथे चांगली असते ना तिथे चांगली असते. तुमचं मत आहे ना ते तुम्ही मांडा”. यावर तन्वी दीपालीला म्हणते, “मी फक्त आले”. त्यावर दीपाली म्हणते, “अगं पण तू का आलीस?, तुला कोणी बोलावलं”. यावर तन्वी म्हणते, “मला माहित नव्हतं तू इतका तमाशा करशील?, तुला वाकड्यात जायचंय तर वाकड्यातच जा”.
त्यानंतर दीपाली ढसाढसा रडते आणि रुचिताला म्हणते, “मला काहीच प्रूव्ह करायचं नाही आहे मी काय आहे आणि काय नाही आहे ते. मी मान देते, मी मोठ्यांना मान देते, आदर देते, अरे मोठ्यांना वाईट वाटत नाही का?”, असं म्हणत रडताना दिसते. आता तन्वी आणि दीपालीमधील हा वाद किती मोठी पेट घेणार हे पाहणं रंजक ठरेल.
