Bigg Boss Marathi 5 update : ‘बिग बॉस मराठी’च्या घरात मंगळवारी १०वा एपिसोड प्रसारित झाला. या घरात पहिला कॅप्टन्सी टास्क पार पडला. कॅप्टन्सी टास्कचं नाव ‘कॅप्टनसीची बुलेट ट्रेन’ असं होतं आणि यात अंकिता वालावालकर ही घराची पाहिली कॅप्टन झाली. टास्कमुळे घरातील स्पर्धकांमध्ये चांगलीच जुंपली. एकीकडे नव्या सीझनला पहिला कॅप्टन मिळाला. दुसरीकडे आपल्याला कॅप्टन होता आलं नाही म्हणून अरबाज, निक्की, वैभव आणि जान्हवी यांचा राग अनावर होतो. या खेळातील अंकिता प्रभू वालावलकर हिने बिग बॉसचा टास्क सर्वांना वाचून दाखवला. या कार्यासाठी वर्षा उसगांवकर यांना संचालक म्हणून नेमण्यात आले, शिवाय त्यादेखील या कार्यात सहभागी होतात. (Janhvi Killekar insulted Varsha Usgaonkar)
या टास्क दरम्यान मोटरमनच्या केबिनमधील सीटवर जो बसेल तो कॅप्टन पदाचा उमेदवार ठरवणार असतो. मोटरमनसाठी दोन जागा असतात. त्याशिवाय, ट्रेनमध्ये हिरवी व लाल मार्गिका असे दोन भाग केले असतात. त्यामुळे ‘बिग बॉस’च्या आदेशानंतर ट्रेन कोणत्या मार्गिकेवर धावणार हे ठरते. त्या मार्गिकेवर जे स्पर्धक बसले आहेत, त्यांच्यातील एक सदस्य कॅप्टनपदासाठी पात्र ठरणार असतो. वर्षा संचालक असल्याने त्या अंकिता व अभिजीत अशी नाव मोटरमन म्हणून जाहीर करतात. मात्र हा निर्णय पक्षपाती असल्याचे म्हणत जान्हवी, अरबाज व निक्की मोठा गोंगाट करतात.
या गोंगाटात जान्हवी वर्षाताईंना नको नको ते बोलते. यावेळी “ताई हे अनफेअर (अयोग्य) आहे” असं वारंवार म्हणते. याचवेळी अरबाजही मोठ्या आवाजात खेळ अयोग्य पद्धतीने खेळला असल्याचे मोठ्या आवाजात म्हणत असतो. तेव्हा वर्षाताई पुन्हा एकदा “मी माझा निर्णय अनफेअरच दिला आहे” असं म्हणतात. त्यावर जान्हवी त्यांना “तुम्हाला लाज वाटली पाहिजे असं बोलायला. हे असले संचालक तुम्ही बसवता. यांना अक्कल पण नाहीये. इतका घाणेरडा गेम ताई, तुम्हाला लाज वाटली पाहिजे” असं म्हणाली. याचपुढे जान्हवीने वर्षाताईंचा उल्लेख ‘नोकर’ असाही केला आहे.
दरम्यान, नाव ‘कॅप्टनसीची बुलेट ट्रेन’ या टास्कमध्ये ‘कोकण हार्टेड गर्ल’ म्हणजेच अंकिता वालावलकर जिंकली असून ‘बिग बॉस’च्या पाचव्या पर्वाची पहिली कॅप्टन होण्याचा बहुमान तिला मिळाला. अंकिता कॅप्टन झाल्यावर डिपी दादा अंकिताला उचलून कॅप्टनच्या खोलीत नेतो. त्या ठिकाणी यंदाच्या सीझनमधील कॅप्टनसाठी अभिजित व इतर सदस्य गाणं गातात. मात्र, यात निक्की, अरबाज, जान्हवी, वैभव हा ग्रुप सहभागी झालेला नसतो.
