महिला खरंच सुरक्षित आहेत का? हा प्रश्न एखादी अतिप्रसंग दर्शवणारी घटना घडली की समोर येतो. पण वर्षानुवर्षे या प्रश्नाचं उत्तर अधिक गुंतागुंतीचं झालं आहे. महिलांच्या सुरक्षितता हा प्रश्न अजूनही जैसे थे आहेच. इंडस्ट्रीत काम करत असणाऱ्या स्त्रियांनाही शारिरीक, लैंगिक शोषणाबाबत अनेक वाईट अनुभव येतात. आता तर एक धक्कादायक बाब समोर आली आहे. ‘बिग बॉस’ फेम सुप्रसिद्ध अभिनेत्री निमृत कौर अहलुवालिया शारिरीक शोषण झालं असल्याची घटना समोर आली. पण हे सगळं इंडस्ट्रीत काम करत असताना नव्हे तर चक्क सर्वोच्च न्यायालयामध्ये घडलं. याचविषयी तिने नुकत्याच दिलेल्या मुलाखतीत उघडपणे भाष्य केलं. नक्की काय घडलं होतं? हे सविस्तर जाणून घेऊया. (Nimrit Kaur Ahluwalia Was Sexually Molested)
प्रतिष्ठीत वकिलाकडून घाणेरडं कृत्य
निमृतने वकिलीचं शिक्षण घेतलं आहे. एका हाय प्रोफाइल केससाठी अभ्यास म्हणून ती काही वर्षांपूर्वी सर्वोच्च न्यायालयामध्ये गेली होती. यावेळी नक्की काय घडलं? हे तिने सांगितलं. निमृत म्हणाली, “मी कॉलेजच्या तिसऱ्या वर्षात होते. मी वकिली शिकत होते. सर्वोच्च न्यायालयामध्ये एका हाय प्रोफाइल केससाठी मी गेले होते. कोर्टात खूप गर्दी होती. कोर्टरुममध्ये आम्ही होतं. समोर न्यायाधीश बसले होते. खूप लोक होते. समोर केस संदर्भात सुनावणी सुरु होती. तिथे उपस्थित लोक केसकडे लक्ष देऊन सगळं ऐकत होते. आतमध्ये इतकी गर्दी होती की, इकडे-तिकडे हलण्यासाठीही जागा नव्हती. तिथेच माझ्याबरोबर शारिरीक शोषण झालं. एका प्रतिष्ठीत वकिलाने हे सगळं केलं होतं. इतकंच काय तर माझ्या आधी एका महिला वकीलाबरोबरही त्याने तेच केलं. आणि हे एकाच दिवशी त्याने केलं होतं”.
आणखी वाचा – तीन महिन्यांची असताना आई गेली, वडिलांचं दुसरं लग्न, छळ अन्…; ऋता दुर्गुळेच्या सासूबाईंचा वाईट काळ
नितंबनावर हात फिरवला अन्…
पुढे ती म्हणाली, “एका ओळखीने मी सर्वोच्य न्यायालयामध्ये तिथे कशी परिस्थिती असते?, कसं काम चालतं? हे शिकण्यासाठी गेले होते. एका बाजूला मीडियासाठी जागा होती. एका बाजूला मी उभी होती. त्या वकिलाच्या एका हातात कागदपत्र होते. मला असं जाणवलं की, माझ्या नितंबनावर कोणाचा तरी हात आहे. मला असं वाटलं की, मीच अधिक विचार करत आहे. मी मागे वळून पाहिलं तेव्हा तो वकील लगेचच गडबडून वेगळ्याच दिशेला बघत होता. मी मग उभं राहण्याची जागाच बदलण्याचं ठरवलं. मी दुसऱ्या जागी जाऊन उभी राहिले. मी हळूहळू चालत दुसऱ्या जागेवर गेले. मग मला जाणवलं की, कोणीतरी माझ्या हाताला स्पर्श करत आहे. पुन्हा मी पाहिलं तर तिच व्यक्ती होती”.
जवळ येण्याचा प्रयत्न आणि…
“त्या वकिलाने माझ्या नितंबनाला पुन्हा हात लावला. माझ्या पुढे थोड्या अंतरावर उभ्या असलेल्या महिला वकिलाने मला विचारलं तू ठिक आहे का?. कारण मी रडायला लागले. तिने थेट विचारलं की, तुझ्या पाठी जो व्यक्ती उभा आहे तो तुला त्रास देतोय का?. ती महिला मला म्हणाली की, हा थोड्यावेळापूर्वी माझ्या शर्टमध्ये हात टाकण्याचा प्रयत्न करत होता. त्या महिला वकिलाने त्याला धरलं आणि तोंडावर मारलं”. हा संपूर्ण प्रकार सांगताना निमृत रडायला लागली. सर्वोच्च न्यायालयामध्ये अशी घटना घडलं खरंच लज्जास्पद होतं.
