टेलिव्हिजन अभिनेत्री व रिॲलिटी शो ‘बिग बॉस ९’मधून सर्वांच्या समोर आलेली प्रिया मलिक ही गेल्या काही दिवसांपासून अधिक चर्चेत आहे. गेल्या काही दिवसांपूर्वी तिने आपल्या सोशल मीडिया आकाऊंट आई होण्याबाबत एक पोस्ट शेअर केली होती. ही पोस्ट अधिक चर्चेत आली होती. अशातच तिने आता मुलाला जन्म दिल्याचे वृत्त समोर आले आहे. प्रिया व तिचा पती करण बक्षी यांना पुत्ररत्न प्राप्त झाले असल्याचे खुद्द प्रिया व करण यांनी सांगितले आहे. (priya malik baby boy)
प्रिया व करण यांनी एक व्हिडीओ सोशल मीडियावर शेअर केला आहे. हा व्हिडीओ अगदी खास स्वरूपात बनवला आहे. यामध्ये त्यांनी आपल्या मुलाचे नाव देखील संगीतले आहे. तसेच शेअर केलेल्या पोस्टमध्ये लिहिले आहे की, “या जगात तुझे स्वागत आहे जोरावर बाळा”, तसेच यामध्ये त्यांनी कार्टून स्वरूपात मुलालादेखील दाखवले आहे. त्यांच्या या व्हिडीओला चाहत्यांनी खूप प्रेम दिले आहे.
प्रिया व करण यांनी फेब्रुवारी २०२४ मध्ये लग्नबंधनात अडकले होते. ‘बिग बॉस ९’ मधून प्रिया अधिक प्रकाशझोतात आली होती. तिने एका मुलाखतीमध्ये याआधी तिचा एकदा गर्भपात झाल्याचे सांगितले होते. त्यामुळे दुसऱ्या गरोदरपणाच्या वेळी ती खूप घाबरली असल्याचेही तिने सांगितले होते. असं सर्व झाल्याने ही बातमी कधी घरच्यांना सांगावी आणि कधी हा क्षण साजरा करावा? या मनस्थितिमध्ये ती अडकली होती.
करण हा प्रियाचा दुसरा पती आहे. २०१८ साली तिने पहिल्या पत्नीबरोबर घटस्फोट घेतला होता. त्यानंतर २०१९ साली तिने करणबरोबर साखरपुडा केला आणि २०२२ साली तिने गुरुद्वारामध्ये पंजाबी रितीरिवाजाप्रमाणे लग्न केले. ‘बिग बॉस’ बरोबरच ती एक शायरा म्हणूनही प्रसिद्ध आहे. तिचे अनेक व्हिडीओ सोशल मीडियावर व्हायरल होत असतात. तिच्या व्हिडीओला खूप जणांची पसंतीही मिळते. तसेच सोशल मीडियावर तिचे लाखों फॉलोअर्सदेखील आहेत.
