‘बिग बॉस’ विजेती अभिनेत्री रुबिना दिलैक लवकरच चाहत्यांसह एक आनंदाची बातमी शेअर करणार आहे. रुबिना काही दिवसांतच आई होणार आहे. तिचा आई होण्याचा प्रवास सध्या ती एन्जॉय करताना दिसत आहे. आईपण अनुभवण्यासाठी तिची उत्सुकता अधिक वाढलेली पाहायला मिळत आहे. तिच्या बाळाचं या जगात स्वागत करण्यासाठी रुबिना व तिचा पती अभिनव शुक्ला सज्ज झाला आहे. याबाबतचा आनंद रुबिनाने तिच्या व्लॉगमध्ये शेअर केला आहे. (Rubina Dilaik Abhinav Shukla Expecting Twins)
रुबिनाने तिच्या प्रेक्षकांना या व्लॉगद्वारे असं सांगितलं आहे की, ती आणि तिचा पती अभिनव शुक्ला जुळ्या बाळांची अपेक्षा करत आहेत. जुळ्या मुलांसह गर्भवती असल्याची आनंददायी बातमी रुबिना व अभिनव शुक्ला यांनी त्यांच्या नवीन व्लॉगमध्ये शेअर केली.
रुबिनाने शेअर केलेल्या या नवीन व्लॉगमध्ये लक्षवेधी माहिती तिने शेअर केली आहे. रुबिना म्हणाली, “मला तुम्हाला हे सांगायचे आहे की, आम्हाला जुळ्या मुलांची अपेक्षा आहे”. तिने असेही सांगितले की, “तिला तिच्या जुळ्या गरोदरपणाचा प्रवास, या दरम्यान आलेली आव्हाने आणि या प्रवासादरम्यान आलेले अनुभव शेअर करायचे आहेत”. रुबिनाला सध्या नववा महिना सुरु आहे. अभिनवला तिच्या जुळ्या गरोदरपणाबद्दल कसे कळले याबद्दलचा खुलासा तिने चाहत्यांसमोर केला आहे.
रुबिना याबाबत बोलताना म्हणाली की, “अभिनवने जेव्हा मुलांना पहिल्यांदा अल्ट्रा स्कॅनद्वारे पाहिले तेव्हा याबद्दल जाणून घेण्याबाबत त्याला अविश्वास वाटला. रुबिनाने शेअर केले की, “जेव्हा तो डॉक्टरांच्या क्लिनिकमधून बाहेर पडला व घरी आला. घरी येईपर्यंत तो माझ्याशी अजिबात बोलत नव्हता. दोन बाळांना जन्म देणार हे त्याला पचवता आलं नाही”. यापुढे रुबिना म्हणाली, “मला डॉक्टरांनी पहिले तिन महिने अधिक काळजी घेण्यास सांगितले होते. शिवाय ही बातमी कोणालाही सांगू नका असंही सांगितलं होतं. कारण त्यांना पहिल्या तीन महिन्यांत वैद्यकीयदृष्ट्या खात्री करायची होती की, त्यांची जुळी मुले निरोगी असून ती सुखरूप आहेत”.