Bigg Boss 17 Latest News : ‘बिग बॉस १७’ मध्ये विकी जैन व अंकिता लोखंडे यांच्यातील वाद अधिकच वाढत चालला असल्याचं पाहायला मिळत आहे. एकीकडे, अभिनेत्री अंकिता लोखंडे विकी जैनच्या आईने सांगितलेल्या गोष्टींपासून सावरू शकत नाही आहे, तर दुसरीकडे, अभिनेत्रीने नॅशनल टीव्हीवर सर्वांसमोर तिच्या पतीला ‘वुमनायझर’ म्हणून टॅग केले आहे. अंकिता लोखंडेच्या आरोपांमुळे ‘बिग बॉस’मध्ये विकी जैनच्या संयमाचा बांध फुटताना दिसत आहे. विकी त्याच्या आईने केलेल्या वक्तव्याला पाठिंबा देत अंकिता लोखंडे व सुशांत सिंग राजपूत याचही नाव त्याने भांडणात घेतलेलं पाहायला मिळत आहे.
नुकतेच ‘बिग बॉस’च्या घरात विकी जैन आयेशा खानबरोबर मस्ती करत असताना अंकिता त्याच्यावर चांगलीच चिडली आणि दोघांमध्ये कडाक्याचे भांडण झाले. यावेळी सततच्या आरोपानंतर विकीही चिडला आणि अंकिता लोखंडेला शिवीगाळ करत म्हणाला, “सुशांत सिंह राजपूतचं निधन हा तुझ्यासाठी खूप मोठा धक्का होता. त्यावेळी मी संपूर्ण वेळ तुझ्या पाठीशी उभा राहिलो” असंही तो म्हणाला.
यापुढे सुशांत म्हणाला, “मी तुला त्याच्याबद्दल बोलण्यापासून कधीच रोखले नाही, तुला मुलाखत द्यायची होती तेव्हाही मी तुला मदत केली. तू जे काही मुलाखतीदरम्यान बोलली, तू जे काही सोशल मीडियाद्वारे पोस्ट केलंस तेव्हाही मी तुझ्या पाठीशी उभा राहिलो. मी कोणालाही तुझ्यावर प्रश्न उपस्थित करु दिले नाहीत. आज तू इथे आहेस आणि माझ्या प्रत्येक गोष्टीवर प्रतिक्रिया देत आहेस. मी ‘बिग बॉस’मध्ये करत असलेल्या प्रत्येक गोष्टीवर तुझी तक्रार आहे”.
अंकिता लोखंडे ‘बिग बॉस’मध्ये आल्यापासून तिने अनेकवेळा सुशांत सिंह राजपूतच्या नावाचा उल्लेख केला आहे. सुशांत सिंह राजपूतबरोबरच्या आठवणी ती बरेचदा अभिषेकबरोबर तर कधी मुन्नवरबरोबर शेअर करत भावूक होताना दिसली. दरम्यान अंकिताच्या तोंडून सुशांतचे नाव वारंवार ऐकल्यानंतर अनेक नेटकऱ्यांनी तिला ट्रोल केलेलंही पाहायला मिळालं.