Bigg Boss 17 Latest News : ‘बिग बॉस १७’ सध्या सोशल मीडियावर चांगलंच चर्चेत आलं आहे. एकापेक्षा एक असलेल्या स्पर्धकांनी हा शो अधिक उठावदार केला आहे. या शोमधील अंकिता लोखंडे व विकी जैनही जोडी विशेष चर्चेत असते. अशातच ही जोडी पुन्हा एकदा चर्चेत आली आहे. विकी व अंकिताच्या आईने ‘बिग बॉस’च्या घरात हजेरी लावली होती. विकी व अंकिता दोघांच्या आईंना समोर पाहून भावुक झालेले दिसले.
यावेळी विकी अधिक भावुक झालेला दिसला. ‘प्रत्येकजण खूप गैरसमज करून घेतो’ असं तो रडत म्हणताना दिसला. यावेळी विकीला रडताना पाहून त्याची आईही भावूक झाली. विकीची आई त्याला समजावू लागते, ‘सगळे खेळायला आले आहेत बेटा. ही आपली माणसं नाही आहेत. हे घर आपलं नाही. हे ‘बिग बॉस’चे घर आहे”. मग अंकिताची आई बोलण्याचा प्रयत्न करते पण विकीची आई तिला गप्प करते.
विकीची आई म्हणते, “टाळी एका हाताने कधीच वाजवता येत नाही. जे घडले ते विसरून जा, पती पत्नीच्या नात्यात अशी भांडण होतात, असे उतार चढाव येतात, आता गोष्टी सुधारण्याची वेळ आली आहे. तुमच्या नात्यावर काम करा. एकत्र वेळ घालवा. भांडणे टाळा. बाहेर तुम्ही दोघे खूप प्रेमाने राहत होता आणि घरात, अंकिता विकीवर चप्पल फेकत आहे आणि त्याला लाथ मारत आहे.” विकीच्या आईचं बोलून झाल्यावर ‘बिग बॉस’ अंकिताच्या आईला प्रश्न विचारतात.
अंकिता व विकीचे प्रेम दिसत नसल्याचे अंकिताच्या आईचे म्हणणे आहे. अंकिताची आई म्हणते, “विकीने त्याची मजेशीर बाजू बाहेरच्या जगाला दाखवावी. अंकिता भावूक होते. ती सर्व दोष स्वत:वर घेते आणि म्हणते माझ्यामुळे विकीवर दबाव येतो कारण तो माझ्याकडे दुर्लक्ष करतोय असे मला वाटते”. याचवेळी विकीची आई मध्येच बोलते की, “तिने विकीला तिच्यासाठी खेळायला पाठवले आहे कारण तो खूप परिपक्व आहे.पण त्याच्या अपेक्षेप्रमाणे गोष्टी घडत नाहीत”.
यावेळी ‘बिग बॉस’ विकीच्या आईला थांबवतात व म्हणतात, ‘विक्कीच्या आई, अंकिताच्या आईला प्रश्न विचारला आहे, तिला बोलू द्या.’ यानंतर अंकिताची आई म्हणते, ‘विकीसारखा माणूस शोमध्ये रडू शकतो, तर ती समजू शकते की आतमध्ये किती दडपण आहे.’ इतकं बोलल्यानंतर दोघेही अंकिता व विकीला निरोप देत ‘बिग बॉस’च्या घरातून बाहेर पडतात. तेव्हा अंकिताची आई तिची नाराजी व्यक्त करते. ती विकीच्या आईला म्हणते, ‘तुम्ही अशा पद्धतीने बोलत होतात की मला काही बोलूही दिलं नाहीत”, त्यांचा हा संवाद कॅमेऱ्यात कैद झालेला पाहायला मिळाला.