Bigg Boss 17 Latest News : ‘बिग बॉस १७’चं पर्व सध्या विशेष गाजतंय. सततची भांडण, मारामाऱ्या, रोमॅंटिक क्षण या सगळ्याचे वेगवेगळे अनुभव यंदाच्या ‘बिग बॉस’मध्ये येत आहेत. अभिनेता अभिषेक कुमार आणि ईशा मालवीय यांनी ‘बिग बॉस १७’ मध्ये प्रवेश केला तेव्हापासून दोघांमध्ये तणावाचं वातावरण निर्माण झालं होतं. अभिषेक कुमार आणि ईशा मालवीय ‘बिग बॉस’च्या घरात येण्याआधी रिलेशनशिपमध्ये होते, मात्र त्यांचं हे नातं जास्त काळ टिकलं नाही आणि ते वेगळे झाले. दरम्यान, ईशाने अभिषेकवर अनेक गंभीर आरोप केले होते.
अभिषेक व ईशा या शोमध्ये जेव्हा एकमेकांसमोर आले तेव्हा सलमान खानसमोर त्यांनी जोरदार भांडण ही केले. अभिषेकला तिचा एक्स बॉयफ्रेंड म्हणून स्वीकारण्यासही ईशाने स्पष्ट नकार दिला होता. ती फक्त अभिषेकची मैत्रीण असल्याचे ईशाने सांगितले. मात्र, त्यानंतर ‘बिग बॉस’च्या घरातच तिने अभिषेक बरोबर रिलेशनशिपमध्ये असल्याचं कबूल केलं.
‘बिग बॉस’च्या घरात समर्थची एंट्री झालेली पाहायला मिळते. जो ईशाचा सध्याचा प्रियकर आहे. समर्थ ‘बिग बॉस’च्या घरात आल्यानंतर अभिषेकची अवस्था दयनीय झाली. तो टीव्हीवर मोठ्याने ओरडला. अभिषेकला ईशापासून दूर राहणे शक्य नव्हते. मात्र तरी त्याने स्वतःवर नियंत्रण ठेवलं. त्यानंतरच्या भागात ईशाच्या दोन्ही बॉयफ्रेंडमध्ये जोरदार वाद झाला होता.
आता या शोमध्ये आणखी एक नवा ट्विस्ट समोर आला आहे. या प्रोमोमध्ये अभिषेक कुमारचं नवं रूप पाहायला मिळतंय. खरंतर सध्या अभिषेक खानझादीबरोबर बराच वेळ घालवत आहे. अशातच अभिषेक आणि खानजादीचा नवा प्रोमो समोर आला आहे. या व्हिडिओमध्ये अभिषेक खानजादीसह मस्ती करताना दिसत आहे. ते दोघे स्विमिंग पूलमध्ये मस्ती करताना पाहायला मिळत आहेत. त्यानंतर दोघेही बागेच्या परिसरात एकत्र झोपून बोलतांना दिसले. येथे खानजादीने अभिषेकला मला ‘अहो जावो’ करू नको असे सांगितले. यानंतर खानजादी म्हणाली की, ती अभिषेकला शहजादा म्हणू शकते. यादरम्यान त्याने खानजादीच्या हातावर चुंबन घेतले असल्याचंही पाहायला मिळालं.
