Mulund Metro Accident : मुंबई शहरातून एक धक्कादायक बातमी समोर आली आहे. मुंबईच्या मध्य रेल्वे मार्गावरील मुलुंड येथे मेट्रोचा स्लॅप कोसळल्याची दुर्घटना घडली आहे. या दुर्घटनेत एक ऑटो रिक्षा आणि चार चाकी वाहनावर हा स्लॅप कोसळला आहे. यात काही जण जखमी झाल्याचं असून एकाचा मृत्यू झाल्याची माहिती समोर आली आहे. मुलुंड पश्चिम भागात मेट्रोच्या कामाचा एक अवजड पिलर आणि स्लॅबचा भाग तब्बल २५ फुटांच्या उंचीवरून थेट रस्त्यावरून जाणाऱ्या वाहनांवर कोसळला. या दुर्घटनेत रिक्षाचा अक्षरशः चक्काचूर झाला आहे.
मुलुंडमध्ये मेट्रो लाईन ४ चे काम वेगाने सुरू आहे. नेहमीप्रमाणे रस्त्यावर वाहनांची वर्दळ असताना, अचानक २५ फुटांच्या उंचीवर असलेला मेट्रोच्या खांबाचा काही भाग आणि लोखंडी सळ्याचा एक भाग थेट खाली कोसळला. हा भाग इतका अवजड होता की, खाली उभ्या असलेल्या दोन ते तीन वाहनांचे मोठे नुकसान झाले. यात एका रिक्षावर हा स्लॅब थेट आदळल्याने रिक्षाचा वरचा भाग पूर्णपणे चेपला गेला. या दुर्घटनेचा एक अंगावर शहारे आणणारा व्हिडिओ समोर आला आहे. व्हिडिओमध्ये स्पष्ट दिसत आहे की, रिक्षा चालकाचा पाय हा स्लॅबखाली दबाला गेला आहे. त्यामुळे त्याला बाहेर पडता येत नाही. काही सेकंदांच्या फरकाने त्याचा जीव वाचला. (Mulund Metro Accident)
तर मिळालेल्या माहितीनुसार या अपघातादरम्यान तीन ते चार जण जखमी झाले आहेत. जखमींना तातडीने रुग्णालयात दाखल करण्यात आले असून त्यांची प्रकृती स्थिर असल्याचे समोर आले आहे. या दुर्घटनेनंतर काही काळ वाहतूक विस्कळीत झाली होती. या दुर्घटनेचा एक अंगावर शहारे आणणारा व्हिडिओ समोर आला आहे. व्हिडिओमध्ये स्पष्ट दिसत आहे की, रिक्षा चालकाचा पाय हा स्लॅबखाली दबाला गेला आहे. त्यामुळे त्याला बाहेर पडता येत नाही. काही सेकंदांच्या फरकाने त्याचा जीव वाचला. (Mulund Metro Accident)
