rakhi sawant emotional : एंटरटेनमेंटची क्वीन राखी सावंतने आजवर अनेकांना हसवलं. सगळ्यांचं मनोरंजन केलं. अनेकांना तिचा मिश्किल अंदाज आवडतो तर काहीजण तिच्यावर टीकाही करतात. या सगळ्यातूनही राखी कायम स्ट्रॉंग दिसली. मात्र या स्ट्रॉंग राहण्यामागे अनेक गुपित लपली आहेत. या स्ट्रॉंग चेहऱ्यामागे अनेक दुःख आहेत. एकटेपणा आहे. आणि याबाबत राखी कधीच बोलली नाही. पण ‘बिग बॉस मराठी’ सिझन ६ मध्ये राखी तिच्या आई-वडिलांच्या मृत्यूनंतर एकटी असल्याचं म्हणत भावुक झालेली दिसली. आई-वडिलांचं जाणं, नवऱ्यापासून घटस्फोट या सगळ्याचा तिच्याही मनावर परिणाम झाला आहे असेही तिने यावेळी म्हटलं. पण तिची ही बाजू तिने कधीच कोणाला ऐकवली नाही.
‘बिग बॉस’च्या घरात राखी सावंत तन्वी कोलते आणि दिपाली सय्यद यांच्यासमोर भावुक झालेली दिसली. राखी सावंत म्हणाली, “मला माझी इमोशनल बाजू सर्वांसमोर दाखवायला अजिबात आवडत नाही. मला सगळ्यांकडून असं प्रेम मिळण्याची सवय राहिलेली नाही. मला शिव्या द्या… मला काहीही बोला पण, प्रेम नको. आता साडेतीन वर्षे झाली आई-बाबा मला सोडून गेले, घटस्फोट झाला. एवढं सगळं होऊन आयुष्यात मी कधीही हरले नाही. मी बिग बॉसमध्ये असताना आईचं निधन झालं होतं”.
आणखी वाचा – थलपती विजयच्या रॅलीत महाराष्ट्रातील तरुणाचा मृत्यू, पत्रकार-कार्यकर्त्यांमध्ये वाद, नेमकं प्रकरण काय?
पुढे ती म्हणाली, “मी शोमध्ये येण्यापूर्वी आईसाठी नवऱ्याला १० लाखांचा चेक दिला होता की, काहीही झालं तरी आईला काही होऊ देऊ नकोस. तिला रुग्णालयात दाखल कर आणि पैसे भर हा निरोप मी त्याला देऊन शोमध्ये आले होते. माझ्या घरात फक्त मी कमवत होते. मी त्याला बोलले होते की, तुझ्यावर विश्वास आहे. तू नवरा आहेस. मी जाते बिग बॉसमध्ये… नवऱ्याने तेव्हा मला सांगितलं होतं, ‘तू जा…तुझी आई तिच माझी आई मी तिचं सगळं करणार’ पण, जेव्हा मी शोमधून बाहेर आले तेव्हा आई नव्हती”.
आणखी वाचा – “भाऊच्या धक्क्यावर तुम्हाला जागा नाही”, रितेश देशमुख रुचितावर भडकला, म्हणाला, “कुठल्याच आईला…”
शेवटी पाणावलेल्या डोळ्यांनी राखी म्हणाली, “शोमध्ये फिनाले झाला आणि मी तेव्हा आईसाठी रुग्णालयात होते. माझी आई गेली… त्या नवऱ्याने मी दिलेले सगळे १० लाख रुपये उडवले. तेव्हा, मी शोमध्ये होते. मला काहीच माहिती नव्हतं. तू माझं सगळं घे… पण, माझ्या आईला वाचवायला हवं होतं. आई कोमात गेली होती. मी तेव्हापासून साडेतीन वर्षे एकटी आहे”.
