‘भाभीजी घरपर है’ या मालिकेतून अंगुरी भाभी म्हणून प्रकाशझोतात आलेली अभिनेत्री म्हणजे शिल्पा शिंदे. मालिकेमधून प्रसिद्ध झाल्यानंतर तिची एक वेगळी ओळख निर्माण झाली. त्यानंतर शिल्पा ‘बिग बॉस’च्या ११ व्या सीजनमध्ये दिसून आली होती. यामध्ये तिने विजेतेपदही पटकावले होते. पण असे असतानाही तिचे खासगी आयुष्य मात्र गुंतागुंतीचे असलेले पाहायला मिळाले आहे. एका अभिनेत्याबरोबर तिचे लग्न होता होता राहिले. पण तिचे लग्न का होऊ शकले नाही हे आज आपण जाणून घेऊया. (actress shilpa shinde broke wedding)
अभिनेता रोमित राजबरोबर २००९ साली शिल्पाचा साखरपुडा झाला होता. त्यांचे लग्नदेखील होणार होते. मात्र लग्नाच्या काही दिवसांपूर्वीच शिल्पाने साखरपुडा मोडला. मीडिया रिपोर्ट्सनुसार, रोमित हा योग्य मुलगा असल्याचे शिल्पाच्या नातेवाइकांनी तिला समजावले होते. मात्र तिने कोणाचेही ऐकून घेतले नाही. याबद्दल तिने एका माध्यमाबरोबर संवाद साधताना सांगितले की, “रोमित व माझा साखरपुडा झाला तेव्हा माझे वय खूपच कमी होते. त्यावेळी मला लग्न करुन सेटल व्हायचे नव्हते. मला करियर करायचे होते. त्यानंतरच आम्ही दोघांनी वेगळं होण्याचा निर्णय घेतला”.
तसेच त्यांच्या नात्याबद्दल ‘बिग बॉस’मध्ये ही खुलासा करताना सांगितले की, “रोमितवर माझे खूप प्रेम होतं. तसेच मी त्याच्या कुटुंबाचा खूप आदरही करायचे. मी त्यांच्यासाठी खूप करायचे. पण मी जेवढे त्यांच्यासाठी करत होते तेवढे खूप कमी पडत होते. त्य लोकांच्या माझ्याकडून अपेक्षा खूप वाढल्या होत्या. त्यामुळे मी त्यांच्या वागण्याला कंटाळून लग्न मोडले”.
त्यानंतर २०११ साली ती ‘चिडियाघर’ या मालिकेत दिसून आली. त्यानंतर मालिकाविश्वात तिने आपले अस्तित्त्व निर्माण केले. रोमित बरोबरचे लग्न मोडल्यानंतर ती आता पर्यंत एकटीच आयुष्य जगत आहे. रोमितने टिना कक्करबरोबर लग्न केले. त्याला आता एक मुलगीही आहे. दोघेही आपापल्या आयुष्यात खुश आहेत.