अनुष्का शर्मा व विराट कोहली ही बॉलीवूड व क्रिकेट विश्वातील सर्वात लोकप्रिय जोडींपैकी एक जोडी आहे. दोघांचाही खूप मोठा चाहतावर्ग आहे. काही दिवसांपूर्वीच अनुष्का व विराट यांनी दुसऱ्यांदा आई-बाबा झाल्याची गुडन्यूज चाहत्यांसह शेअर केली. दोघांची त्यांचा मुलगा अकायचे स्वागत केले. बाळाच्या जन्मादरम्यान दोघेही लंडनमध्ये होते. यानंतर विराट बऱ्याच दिवसांनी भारतात परतला आहे. दोघेही त्यांची मुलगी वामिकाबद्दल अनेकदा बोलतात. लेकीबरोबरचे अनेक फोटो ते त्यांच्या सोशल मीडियावरुन शेअरही करतात. (Anushka Sharma And Virat Kohli)
अनुष्का व विराट दोघेही त्यांच्या दोन वर्षांची मुलगी वामिकाबरोबरच्या त्यांच्या रविवारच्या दिनक्रमाबद्दल २०२३ मध्ये, एका वेबलॉइडशी केलेल्या संवादादरम्यान बोलले होते. संभाषणादरम्यान, अनुष्का शर्माने विराट कोहलीला त्याच्या घरातील सर्वोत्तम रविवारच्या दिनचर्याबद्दल विचारले. यावेळी उत्तर देत त्याने त्याच्या कौटुंबिक अशी हृदयस्पर्शी कथा शेअर केली. यावेळी अनुष्काने तिच्या व्यस्त वेळापत्रकाकडे लक्ष वेधून गमतीने सांगितले की, रविवारसाठी पर्यायांची कमतरता नाही.
विराटने त्याच्या रविवारच्या दिनक्रमाबद्दल बोलताना सांगितले की, तो आपला दिवस फॅमिली रुममध्ये आरामात घालवतो, कॉफीचा कप घेऊन बसतो, त्याच्या मुलीबरोबर ब्लॉक्स बनवतो, खेळतो. विराट वामिकाबरोबर वेळ घालवण्याबाबत बोलला. त्याने सांगितले की, या सर्व प्रकारानंतर, जेव्हा वामिका झोपते तेव्हा दोघेही बसून एखादा टीव्ही शो पाहणं पसंत करतात. यावेळी बोलताना विराटने दक्षिण आफ्रिकेतील जंगल सफारीबद्दल सांगितले. त्याने सांगितले की, ही अशी जागा आहे जिथे ते दोघेही त्यांच्या मुलीबरोबर भेट देण्याचा विचार करु शकतात.
दरम्यान, विराट व अनुष्का ही दोघे त्यांच्या लेकीविषयी अगदीच गोपनीयता राखत असल्याचे पाहायला मिळाले आहे. अनुष्का-विराट यांचे २०१७ मध्ये लग्न झाले होते. त्यानंतर ११ जानेवारी २०२१ रोजी अनुष्काने एका मुलीला जन्म दिला. जिचे नाव वामिका असे ठेवण्यात आले. त्यानंतर विराट-अनुष्काने त्यांच्या दुसऱ्या मुलाचं स्वागत केलं. त्यांचं नाव त्यांनी अकाय असे ठेवले आहे.
