Ayodhya Ram Mandir : आज सर्वत्र राममय वातावरण झाले असल्याचे पाहायला मिळत आहे. अवघा देश आज रामनामात दंग झाला आहे. आज २२ जानेवारी रोजी अयोध्येमध्ये रामलल्लाचा प्राणप्रतिष्ठा सोहळा पार पडत आहे. रामलल्लाच्या प्राणप्रतिष्ठा सोहळ्याला भारतातील क्रिकेट, उद्योजक, मनोरंजन यासह कला क्षेत्रातील अनेक दिग्गजांना निमंत्रित करण्यात आलं आहे. या सोहळ्यासाठी बॉलिवूड सेलिब्रिटींनी हजेरी लावली आहे. त्यांच्या लूकची सध्या चर्चा सोशल मीडियावर होत आहे.
प्रसिद्ध अभिनेता रणबीर कपूर व आलिया या सोहळ्यासाठी मुंबईहून अयोध्येला रवाना झाले. यावेळी रणबीरने पांढरा कुर्ता व धोतर असा वेश परिधान केला. तर आलियाने आकाशी रंगाची साडी परिधान केली आहे. त्यांच्यासोबत रोहित शेट्टीदेखील अयोध्येला रवाना झाले आहेत. माधुरी दिक्षित व श्रीराम नेने यांनादेखील अयोध्येत होणाऱ्या प्राण प्रतिष्ठापणा सोहळ्यासाठी खास निमंत्रण देण्यात आलं आहे. यावेळी पिवळ्या साडी भरजरी साडीमध्ये माधुरीचं सौंदर्य अधिक खुलून दिसत आहे. तर श्रीराम नेने हेदेखील मरुण रंगाच्या पठाणी लुकमध्ये दिसले. अयोध्येत रामलल्लाच्या प्राणप्रतिष्ठा सोहळ्याला दोघंही उपस्थित राहणार आहेत.
आणखी वाचा – ‘कुंडली भाग्य’ फेम अभिनेत्रीचे ब्रेकअप, २ वर्षांनी विभक्त होण्याचा घेतला निर्णय, ‘या’ कारणामुळे तुटले नाते
यावेळी विकी कौशल व कतरीना कैफचाही खास लूक पाहायला मिळाला. कतरीनाने सोनेरी रंगाची साडी नेसली आहे. तर विकीने शेरवाणी परिधान केली आहे. तर अभिनेते जॅकी श्रोफ यांनीदेखील पांढऱ्या रंगाचा कुर्ता-पायजमा व त्यावर केशरी रंगाची शाल परिधान केली आहे. आयुष्मान खुरानादेखील अयोध्येच्या दिशेनं रवाना झाला आहे. रामलल्लाच्या प्राणप्रतिष्ठा सोहळ्याला तो हजेरी लावणार आहे. याबरोबरच मास्टर ब्लास्टर सचिन तेंडुलकरदेखील आयोध्येला रवाना झाला आहे.
आदी कलाकारांसह रणदीप हुड्डा, अनुपम खेर, विवेक ओबेरॉय, कैलाश खैर, मधुर भांडारकर, मनोज जोशी, हेमा मालिनी, बिग बी अमिताभ बच्चन हेदेखील अयोध्येसाठी रवाना झाले आहेत. तसेच क्रिकेट जगतातूनही विराट कोहली, महेंद्रसिंह धोनी व आणखी बरेच क्रिकेटर्स जाणार आहेत.
