अभिनेत्री आलिया भट्टने पती अभिनेता रणबीर कपूरला त्याच्या वाढदिवसानिमित्त सोशल मीडियावरून खास शुभेच्छा दिल्या आहेत. ४१व्या वाढदिवसानिमित्त न पाहिलेले फोटो आणि एक गोड कॅप्शन देत तिने रणबीरला शुभेच्छा दिल्या आहेत. इन्स्टाग्रामवरून आलियाने रणवीर बरोबर घालवलेल्या सुट्ट्यांचे तसेच लग्नाचे अनेक फोटो शेअर केले आहेत. (Aliaa Bhatt On Ranbir Kapoor)
रणबीर कपूरला वाढदिवसाच्या शुभेच्छा देताना आलिया भट्टने काही न पाहिलेले फोटो शेअर केले आहेत. एका फोटोमध्ये ती रणबीरला किस करताना दिसत आहे. तर इतर पोस्ट केलेल्या फोटोंमध्ये त्यांच्या लग्नापासून एकत्र घालवलेल्या सुट्टी पर्यंतचे वेगवेगळे फोटो पाहायला मिळत आहेत. आलियाने रणबीरबरोबरचे न पाहिलेले फोटो शेअर करत म्हटलं आहे की, “,माझा प्रिय, माझा सर्वात चांगला मित्र. माझं सर्वात आनंदाचे ठिकाण. माझ्या शेजारी बसलेल्या तुझ्या गुप्त खात्यातून तू हे कॅप्शन वाचत असशील. मला फक्त वाढदिवसाच्या शुभेच्छा सांगायच्या आहेत बाळा. हे सर्व तू जादूमय बनव.” असं म्हणत आलियाने रणबीरला वाढदिवसाच्या शुभेच्छा दिल्या आहेत.
रणबीरच्या वाढदिवसानिमित्त आई नीतू कपूरने केकचा एक फोटो शेअर केला, ज्यामध्ये आलिया व रणबीरची फोटो फ्रेम देखील दिसत आहे. हा केक देखील खूप खास आहे, कारण या केकवर लिहिलं आहे की, “हॅप्पी बर्थडे राहा के पापा”. रणबीरच्या वाढदिवसानिमित्त त्याच्या बायकोने व आईने दिलेल्या शुभेच्छा या खूप खास असल्याचं समजतंय.
रणबीरसाठी हे दुहेरी सेलिब्रेशन आहे कारण त्याच्या आगामी ‘अ‍ॅनिमल’ चित्रपटाचा टीझरही त्याच्या वाढदिवसाचं औचित्य साधत प्रदर्शित करण्यात आला आहे. या चित्रपटात अनिल कपूर, रश्मिका मंदान्ना, बॉबी देओल यांच्याही महत्वपूर्ण भूमिका आहेत. संदीप रेड्डी वंगा दिग्दर्शित, ‘अ‍ॅनिमल’ हा चित्रपट यंदा १ डिसेंबर रोजी हिंदी, तेलुगू, तामिळ, कन्नड व मल्याळम या पाच भाषांमध्ये प्रदर्शित होणार आहे.
