सगळीकडे गणेशोत्सवाची धामधूम पाहायला मिळतेय. गणेशोत्सवानिमित्त बऱ्याच कलाकार मंडळींनी बाप्पाची मनोभावे पूजा केली आहे. कलाकार मंडळीही गणरायाचं दर्शन घेण्यात व्यस्त आहेत. अशातच राज्याचे मुख्यमंत्री एकनाथ शिंदे यांच्या घरीदेखील बाप्पाचं आगमन झालं होतं. बॉलिवूड तसेच मराठी सिनेसृष्टीतील अनेक कलाकार मंडळींनी मुख्यमंत्र्यांच्या घरी बाप्पाच्या दर्शनाला हजेरी लावली होती. अनेक कलाकारांनी मुख्यमंत्र्याच्या वरील बाप्पाचे फोटोस सोशल मीडियावरून शेअर देखील केले होते. (Sukanya Mone On CM Eknath Shinde)
यंदा मुख्यमंत्र्यांच्या शासकीय निवासस्थानी म्हणजेच वर्षा बंगल्यावर दहा दिवसांसाठी बाप्पाचं आगमन झालं होतं. कलाकार मंडळी तसेच अनेक नेते मंडळींनीही वर्षा बंगल्यावरील मुख्यमंत्र्यांच्या घरच्या गणरायाचं दर्शन घेतलं. मुख्यमंत्र्यांकडून बॉलिवूड तसेच मराठी कलाकार मंडळींना बाप्पाच्या दर्शनाचं रीतसर आमंत्रण देण्यात आलं होतं. मराठी सिनेविश्वातील अनेक कलाकार मंडळींनी मुख्यमंत्र्यांच्या घरी दर्शन घेतलं. अशातच अभिनेत्री सुकन्या मोने यांनीही मुख्यमंत्र्यांच्या घरून आलेल्या आमंत्रणाचा मान राखून बाप्पाचं दर्शन घेतलं. यावेळी वर्षा बंगल्यावर आलेला पाहुणचाराचा अनुभव त्यांनी सोशल मीडियावरून शेअर केला आहे.
सुकन्या मोने यांनी इन्स्टाग्राम स्टोरीवर मुख्यमंत्री एकनाथ शिंदे यांच्याबरोबरचा फोटो शेअर करत लिहिलं आहे की, “मा.मुख्यमंत्री. श्री.एकनाथराव शिंदे. यावर्षी आपल्या श्री गणपती दर्शनाला मला आवर्जून निमंत्रित केल्याबद्दल मनःपूर्वक धन्यवाद! आपण आणि आपल्या कुटुंबाने आम्हा सगळ्या कलाकार मंडळींकडे जातीने लक्ष दिलेत त्याबद्दल आभार. आपल्या सौ. नी त्या माझ्या पूर्वीपासून fan आहेत हे सांगून मला सुखावले. पुन्हा एकदा मनःपूर्वक आभार! गणपती बाप्पा मोरया! मंगलमूर्ती मोरया!”.
मुख्यमंत्री एकनाथ शिंदे यांनी त्यांच्या घरच्या बाप्पाच्या दर्शनासाठी मराठी कलाकारांना आमंत्रित केलं होतं. दरम्यान काल संपूर्ण मराठी सिनेसृष्टीने मुख्यमंत्र्यांचा ‘वर्षा’ बंगला उजळून निघाला होता. मुख्यमंत्र्यांच्या घरच्या बाप्पाचे दर्शन घेण्यासाठी ‘महाराष्ट्राची हास्यजत्रा’ कार्यक्रमाच्या संपूर्ण टीमने हजेरी लावली होती. शिवाय अभिनेता मंगेश देसाई, स्वप्नील जोशी, ओंकार भोजने, भारत गणेशपुरे, सुशांत शेलार, अक्षय वाघमारे, हार्दिक जोशी, अक्षया देवधर, मृण्मयी देशपांडे, हेमांगी कवी, सुप्रिया पाठारे, सुकन्या कुलकर्णी यांसारख्या अनेक कलाकारांनी उपस्थिती दर्शवली.