‘सुंदरा मनामध्ये भरली’ या मालिकेच्या माध्यमातून अल्पावधीतच लोकप्रिय झालेली अभिनेत्री म्हणजे अक्षया नाईक. या मालिकेत लतिका ही भूमिका साकारुन तिने अल्पावधीत प्रेक्षकांना आपलंसं केलं. तिची ही भूमिका प्रेक्षकांच्या मनावर राज्य करतेय. त्यामुळे तिच्या प्रोफेशनल लाइफसोबतच तिच्या पर्सनल लाइफविषयी जाणून घेण्यासाठीही नेटकरी उत्सुक असतात. अक्षया कायम चाहत्यांसोबत काही ना काही गोष्टी शेअर करत असते. तर सोशल मीडियावरही ती बऱ्यापैकी सक्रिय असते. आणि सोशल मीडियावरील तिच्या पोस्टने चाहत्यांच लक्ष वेधून घेत असते. अशातच अक्षयाच्या एका पोस्टने चाहत्यांच लक्ष वेधून घेतलं आहे.(akshaya naik new inning)
पहा अक्षयाची नवी सुरुवात (akshaya naik new inning)
इंस्टाग्रामवर स्टोरी पोस्ट शेअर करत अक्षयाने साऱ्यांचं लक्ष वेधून घेतलंय. यांत तिने एक फोटो पोस्ट केला आहे. या पोस्टमध्ये तिने फोटोसोबत घरगुती जेवण करणाऱ्या वस्तूंचा समावेश केला आहे. आणि नवीन प्रोजेक्टची माहिती असे कॅप्शन दिले आहे. अक्षयाची ही पोस्ट पाहून नक्की काय शिजतंय असा प्रश्न उपस्थित झाला आहे. खाण्यावर आधारित तिचा नवीन कोणता तरी प्रोजेक्ट असेल असं वाटतंय.
तर तिची ही पोस्ट पाहून अक्षया लवकरच नवीन चित्रपटात दिसणार का? अक्षया सुंदरा मनामध्ये भरली मालिकेतून एक्झिट घेणार का? की नवं हॉटेल वगैरे सुरु करून व्यवसायात पदार्पण करतेय का? असे बरेच प्रश्न पडले आहेत. अक्षयाच्या या पोस्टने निर्माण केलेल्या या प्रश्नाचं उत्तर नेमकं काय असेल याकडे साऱ्यांच्या नजरा वळल्या आहेत.(akshaya naik new inning)
====
हे देखील वाचा – गिरगांवच्या शोभायात्रेला कलाकारांची मांदियाळी; त्यांचा पारंपारिक लूक ठरतोय लक्षवेधी
====
अक्षयाने मराठी मालिकांसह हिंदी मालिकांमध्येही काम केलं आहे. ‘ये रिश्ता क्या कहलाता है’ या मालिकेमुळे अक्षयला खऱ्या अर्थाने लोकप्रियता मिळाली. मालिकेत अक्षयाने साकारलेली भूमिका प्रेक्षकांच्या विशेष पसंतीस उतरली होती. त्यानंतर तिच्या सुंदरा मनामध्ये भरली या मालिकेतील भूमिकेनेही रसिकांना भुरळ पाडली. अक्षयच्या फोटोशूटचीही सर्वत्र चर्चा असते. सोशल मीडियावर तिच्या फोटोशूटच्या फोटोंवर नेटकऱ्यांकडून शुभेच्छांचा वर्षाव होत असतो. आता अक्षयाचा नवा प्रोजेक्ट नेमका काय असेल हे पाहणं रंजक ठरेल.
