aishwarya narkar business women : बरीच अशी कलाकार मंडळी आहेत ज्यांनी अभिनयाबरोबरच जोडधंदा सुरु केलेला पाहायला मिळाला आहे. अनेक कलाकारांनी त्यांची अभिनयाची आवड जोपासत व्यवसाय क्षेत्रात पदार्पण केलं आहे. कालच ज्येष्ठ अभिनेते लक्ष्मीकांत बेर्डे आणि प्रिया बेर्डे यांची लेक अभिनेत्री स्वानंदी बेर्डे हिने नवा व्यवसाय सुरु केला. कांतप्रिया असे तिच्या नव्या ज्वेलरी ब्रँडचे नाव असल्याचं तिने सोशल मीडिया पोस्टद्वारे सांगितलं. याचबरोबर आता आणखी काही कलाकारांनी एकत्र येत नव्या व्यवसायाची गुडन्यूज दिली. या अभिनेत्रींनी एकेकाळी मालिकाविश्व गाजवलं, आणि मालिकांमध्ये काम केल्यानंतर त्यांनी ऑफस्क्रीन एकत्र येत व्यवसाय क्षेत्रात पाऊल टाकलं आहे.
‘सातव्या मुलीची सातवी मुलगी’ या मालिकेत महत्त्वपूर्ण भूमिकेत दिसलेल्या तितिक्षा तावडे, ऐश्वर्या नारकर, सुरुची अडारकर या अभिनेत्रींनी मालिकेचा निरोप घेतल्यानंतर एकत्र येत साड्यांचा नवा व्यवसाय सुरु केला आहे. काल त्यांनी सोशल मीडियावर एकत्र एक व्हिडीओ शेअर करत त्यांच्या या नव्या व्यवसायाबाबत, त्यांच्या या नव्या ब्रँडबाबत माहिती दिली. ऐश्वर्या, तितीक्षा आणि सुरुची यांच्या नव्या ब्रँडचे नाव ‘थ्रेड अँड ठुमका बाय tasvi’ असे आहे.
आणखी वाचा – लाकडी थीम, गुप्त खोल्या, १०० कॅमेरे अन्…; Bigg Boss 19 च्या घराची पहिली झलक, फोटो समोर
या ब्रँड बाबत माहिती देत तिघींनी एकत्र येत एक व्हिडीओ शेअर केला आहे. यांत त्यांनी असं म्हटलं आहे की, “आजवर तुम्ही आम्हाला वेगवेगळ्या माध्यमांतून बघत आलेले आहात. विविध मालिकांमध्ये तुम्ही आम्हाला पाहिलंय आणि आमच्यावर तुम्ही कायम भरभरुन प्रेम केले आहे. त्यामुळे तुमच्याबरोबर एक आनंदाची बातमी शेअर करतोय आज आम्ही आमचा ब्रँड लाँच करत आहोत. आमच्या बँडचे नाव आहे ‘थ्रेड अँड ठुमका बाय tasvi’ आम्ही खास तुमच्यासाठी खूप सुंदर साड्या घेऊन येत आहोत आणि या सगळ्या साड्या तुम्हाला आमच्या ब्रँडच्या पेजवर पाहायला मिळतील”.
आणखी वाचा – “मी जिवंत आहे”, निधनाची खोटी बातमी देताच सुप्रसिद्ध बॉलिवूड अभिनेते भडकले, म्हणाले, “स्पष्टीकरण देऊनही…”
सेटवरील अभिनेत्रींची ही मैत्री आता व्यवसाय क्षेत्रात एकत्र येत प्रोफेशनलही झाली आहे. त्यांच्या या एकत्रित येत घेतलेल्या निर्णयाचं सोशल मीडियावर प्रेक्षकांकडून कौतुक करण्यात येत आहे. ऐश्वर्या, तितीक्षा आणि सुरुची यांच्यावर शुभेच्छांचा वर्षाव होताना पाहायला मिळत आहे.
