Famous Actress Become mother : टीव्ही इंडस्ट्रीमध्ये सध्या आनंदाचे वातावरण पाहायला मिळत आहे. एकामागून एक अभिनेत्री त्यांच्या आयुष्यातील खास टप्प्याची घोषणा करत आहेत. काही दिवसांपूर्वी दिव्यांका त्रिपाठी हिने आई होणार असल्याची आनंदाची बातमी चाहत्यांसोबत शेअर केली होती. लग्नानंतर तब्बल दहा वर्षांनी, वयाच्या ४१व्या वर्षी ती आपल्या पहिल्या बाळाचं स्वागत करण्यासाठी सज्ज आहे. तिच्या या घोषणेनंतर चाहत्यांनी सोशल मीडियावर शुभेच्छांचा वर्षाव केला.
दरम्यान, आता आणखी एका लोकप्रिय अभिनेत्रीनेही चाहत्यांना गुडन्यूज दिली आहे. ‘बंदिनी’ या मालिकेमुळे घराघरात पोहोचलेली आसिया काजी लवकरच आई होणार आहे. तिच्या घरी लवकरच चिमुकल्याचं आगमन होणार आहे. ही आनंदाची बातमी तिने खास ईदच्या निमित्ताने चाहत्यांसोबत शेअर केली. आसियाने आपल्या पती गुलशन नैन याच्यासोबत एक गोड व्हिडीओ सोशल मीडियावर पोस्ट केला आहे. या व्हिडीओमध्ये त्यांच्या हातात बाळासाठीचे छोटे टॉवेल आणि बूट दिसत आहेत, ज्यातून त्यांच्या आयुष्यात येणाऱ्या नव्या पाहुण्याची चाहूल स्पष्टपणे लागते. हा व्हिडीओ शेअर करत आसियाने कॅप्शनमध्ये लिहिलं आहे, “नवीन चंद्र आणि एक नवीन अध्याय… २०२६ मध्ये लवकरच येत आहे. ईद मुबारक.”
आणखी वाचा – “हे अती होतंय”, रेवाला ओरडणं सागर कारंडेला पडलं भारी, नेटकऱ्यांनी धरलं धारेवर, म्हणाले, “ओव्हर ऍक्टिंगचं…”
या पोस्टमधून त्यांच्या आयुष्यातील या नव्या प्रवासाचा आनंद स्पष्टपणे दिसून येतो. विशेष म्हणजे, आई-वडील होण्याचा आनंद त्यांच्या चेहऱ्यावर झळकत आहे, चाहत्यांनीही या आनंदात सहभागी होत कमेंट्सद्वारे शुभेच्छांचा वर्षाव केला आहे. अनेक सेलिब्रिटींनीही या जोडीला शुभेच्छा देत त्यांच्या पुढील प्रवासासाठी आशीर्वाद दिले आहेत. एकूणच, टीव्ही इंडस्ट्रीतील या आनंदवार्तांमुळे चाहत्यांमध्ये उत्साहाचं वातावरण निर्माण झालं असून, दोन्ही अभिनेत्रींच्या आयुष्यातील या नव्या टप्प्याकडे सगळ्यांचं लक्ष लागलं आहे.
आणखी वाचा – “ट्रोलिंगमुळे खूप रडायची आणि त्रास व्हायचा पण…” सुप्रसिद्ध अभिनेत्रीचा ट्रोलिंगविषयी मोठा खुलासा
