Marathi Actress Mehandi Ceremony : मराठी मनोरंजनसृष्टीत सध्या लगीनघाईचे वातावरण पाहायला मिळत आहे. अनेक कलाकार एकापाठोपाठ आपल्या लग्नसोहळ्याचे फोटो सोशल मीडियावर शेअर करत चाहत्यांना आनंदाची बातमी देताना दिसत आहेत. नुकतीच अपूर्वा नेमळेकर आणि रेवती लेले यांच्या लग्नसोहळ्याची चर्चा रंगली होती. सोशल मीडियावर त्यांच्या विवाहसोहळ्याचे आणि मेहंदी सोहळ्याचे फोटो आणि व्हिडीओ मोठ्या प्रमाणात व्हायरल झाले होते. आता या चर्चेनंतर आणखी एका लोकप्रिय अभिनेत्रीच्या लगीनघाईची बातमी समोर आली आहे.
‘स्टार प्रवाह’ वाहिनीवरील ‘तुझ्या सोबतीने’ या नव्या मालिकेने प्रेक्षकांची मने जिंकली आहेत. या मालिकेत नूपुरची भूमिका साकारणारी अभिनेत्री एतशा संजगिरी सध्या तिच्या लग्नाच्या तयारीमुळे चर्चेत आली आहे. एतशाचा नुकताच मेहंदी सोहळा उत्साहात पार पडला. अभिनेत्रीने तिच्या सोशल मीडिया अकाउंटवर मेहंदी सोहळ्याचे काही खास फोटो आणि व्हिडीओ शेअर केले आहेत. या फोटोंमध्ये एतशाने गुलाबी रंगाचा आकर्षक पेहराव परिधान केला असून ती अत्यंत सुंदर दिसत आहे. तिच्या हातांवर काढलेली नाजूक आणि आकर्षक मेहंदी चाहत्यांचे विशेष लक्ष वेधून घेत आहे.
आणखी वाचा – मराठमोळ्या अभिनेत्रीची लगीनघाई सुरु, लग्नापूर्वीच्या विधींना सुरुवात, फोटो समोर
या आनंदाच्या क्षणी तिच्यासोबत कुटुंबीयांची उपस्थितीही फोटोंमधून स्पष्ट दिसते. विशेष म्हणजे, एतशाने शेअर केलेल्या एका व्हिडीओमध्ये तिचे वडील मेहंदी सोहळ्यात आनंदाने नाचताना दिसत आहेत. हा भावनिक आणि आनंददायी क्षण चाहत्यांच्या पसंतीस उतरला आहे. एतशाच्या मेहंदी सोहळ्यावर चाहत्यांसह मराठी कलाविश्वातील अनेक कलाकारांनी शुभेच्छांचा वर्षाव केला आहे. सध्या तिच्या लग्नसोहळ्याची उत्सुकता चाहत्यांमध्ये शिगेला पोहोचली असून तिच्या नव्या आयुष्यासाठी सर्वजण शुभेच्छा देताना दिसत आहेत.
आणखी वाचा – सुप्रसिद्ध दिग्दर्शकाचे निधन, मृतावस्थेत घरातच आढळला मृतदेह, शेजाऱ्यांना कुबट वास आला आणि…
