Surabhi Jyoti Shares Good News : गेल्या काही महिन्यांत अनेक कलाकारांनी आई-बाबा झालायची गुड न्यूज शेअर केली. अशातच आणखी एका हिंदी टेलिव्हिजनमधील प्रसिद्ध अभिनेत्रीने गुड न्यूज शेअर करत लवकरच आई होणार असल्याचं सांगितलं आहे. ‘कबूल है’, ‘नागिन ३’ या हिंदी मालिकेच्या माध्यमातून नावारूपाला आलेली अभिनेत्री सुरभी ज्योती हिने एक खास पोस्ट शेअर करत ही आनंदाची बातमी चाहत्यांसोबत शेअर केली आहे. लग्नाच्या दिड वर्षानंतर अभिनेत्री आई होणार आहे.
सुरभीने ११ रोजी फेब्रुवारी इन्स्टाग्रामवर एक फोटो शेअर केला. या फोटोमध्ये एका बाजूला तिच्या पतीचे पाय, दुसऱ्या बाजूला सुरभीचे पाय आणि मधोमध छोट्या बाळाचे बूट ठेवलेले दिसत आहेत. हा फोटो शेअर करत तिने कॅप्शनमध्ये सर्वप्रथम “ॐ” असे लिहिले आणि पुढे म्हटले, “आमच्या आयुष्यातील सर्वांत सुंदर प्रवास आता सुरू होणार आहे. आमचं बाळ यंदा जूनमध्ये या जगात येणार आहे.” दरम्यान तिच्या या पोस्टवर चाहत्यांसह कळकरांनी देखील शुभेच्छांचा वर्षाव केला आहे. (Surabhi Jyoti Shares Good News)
२७ ऑक्टोबर २०२४ रोजी सुरभीने अभिनेता सुमित सूरीसोबत लग्न केलं होतं. उत्तराखंडचा जिम कॉर्बेट मधल्या आहाना रिसॉर्टमध्ये या दोघांचा शाही विवाह सोहळा पार पडला होता. आता लग्नाच्या दीड वर्षांनंतर या दोघांच्याही आयुष्यात नव्या सदस्याची एन्ट्री होणार आहे. इंस्टाग्रामवर दोघांनीही एक सुंदर फोटो शेअर करत सुरभी आई होणार असल्याची बातमी दिली आहे. (Surabhi Jyoti Shares Good News)
