आदिल खान दुर्रानी आणि राखी सावंत यांच्यातील यांच्यातील वाद हा काळाबरोबर वाढतच चालला आहे. दोघेही एकमेकांवर वेगवेगळे आरोप करताना नेहमीच दिसतात. सोशल मीडियावरुन दोघेही नेहमीच एकमेकांवर आरोप प्रत्यारोप करत असतात. सोशल मीडियावर आदिल व राखी दोघेही बऱ्यापैकी सक्रिय असतात. राखी सावंतने नुकताच असा आरोप केला होता की, सोमी खानबरोबर लग्न होऊनही आदिल तिला परत मिळवण्याचा प्रयत्न करत आहे. नुकत्याच दिलेल्या एका मुलाखतीत आदिल खान दुर्रानीने राखी सावंतच्या या प्रश्नाचे उत्तर देत भाष्य केलं आहे. (Adil Khan Durrani On Rakhi Sawant)
“ते स्क्रीनशॉट आणि मॅसेज जुने आहेत. वर्षभरापूर्वीचे किंवा त्याच्याही आधीचे आहेत”, असं आदिलने TOI शी बोलताना सांगितले. राखी सावंतच्या बोलण्यावर प्रतिक्रिया देताना आदिल म्हणाला की, “राखी सावंत स्वतःला हिंदू म्हणवते तर कधी मुस्लिम बनते. राखी सावंतकडे दुसरे काही काम नाही म्हणून ती सतत आरोप करत असते”.
राखी सावंतचा पूर्वाश्रमीचा पती आदिल म्हणाला, “ती नेहमीच असं करते. तिला माझ्या आयुष्यात परत आणण्यात मला काही रस नाही. मी माझ्या पत्नीबरोबरच्या आयुष्यात खूप आनंदी आहे आणि तिला परत मिळवण्यासाठी मला कोणाला कॉल करण्याची गरज नाही. तिने मला यापूर्वी जे काही मॅसेज केले आहेत, ते मी आधीच सार्वजनिक डोमेनमध्ये आणले आहेत आणि तुम्ही ते पाहू शकता. मी तुम्हाला याआधीही सांगितले आहे की, ती विवादाशिवाय आयुष्य जगू शकत नाही”.
आदिल पुढे असंही म्हणाला की, “कधी माझे नाव घेऊन वाद होतो, कधी मला तुरुंगात पाठवून वाद होतो, हे माझ्यावर अवलंबून आहे. तिचा उदरनिर्वाह माझ्यावर अवलंबून आहे, माझी प्रतिमा खराब करुनच ती जिवंत आहे. जोपर्यंत माझा आणि सोमीचा संबंध आहे, ती आणि मी पती-पत्नी आहोत आणि आम्ही दोघे नेहमीच एकमेकांसाठी उभे असतो. पती-पत्नीचे नाते न समजणारी स्त्री आयुष्यात काय करणार? हे मी राखी सावंतच्या उदाहरण देत सांगतो”.