tejaswini lonari engagement : मराठी मनोरंजनसृष्टीत लगीनघाई सुरु झाल्याचं पाहायला मिळत आहे. नुकतीच अप्पी आमची कलेक्टर फेम अभिनेत्री शिवानी नाईक आणि भाग्य दिले तू मला फेम अभिनेता अमित रेखी यांचा साखरपुडा समारंभ अगदी थाटामाटात पार पडला. या कलाकार जोडीने थेट साखरपुड्याचे फोटो पोस्ट करत प्रेमाची कबुली दिली. यापाठोपाठ आता मराठी मालिकाविश्वातील आणखी एका अभिनेत्रीने प्रेमाची कबुली दिली आहे. थेट साखरपुड्याचे फोटो शेअर करत तिने ही आनंदाची बातमी दिली आहे. ही अभिनेत्री म्हणजे तेजस्विनी लोणारी. तेजस्विनीच्या साखरपुडा समारंभाचे अनेक फोटो तुफान व्हायरल होत आहेत.
तेजस्विनी आता शिवसेना युवा प्रमुख समाधान सरवणकर यांची पत्नी होणार आहे. मुंबईतील एका आलिशान हॉटेलमध्ये तेजस्विनी आणि समाधान यांचा साखरपुडा समारंभ पार पडला. तेजस्विनीचा साखरपुडा रविवारी (२६ नोव्हेंबर) थाटामाटात पार पडला आहे. लग्नानंतर अभिनेत्री राजकीय घराण्याची सून होणार आहे. तेजस्विनी शिवसेना युवा नेते समाधान सरवणकर यांच्याशी लग्न करणार आहे. समाधान सरवणकर हे शिवसेना नेते सदा सरवणकर यांचे पुत्र आहेत.
आणखी वाचा – प्रार्थना बेहेरेला पितृशोक, वडिलांचे अपघातात निधन, भावुक पोस्ट करत म्हणाली, “डोळ्यांतील पाणी…”
साखरपुड्याला तेजस्विनीने पारंपरिक लूक केला होता. लाल रंगाची डिझायनर साडी, गळ्यात मोठा हार, हातात हिरव्या बांगड्यांचा चुडा अशा या लूकमध्ये तेजस्विनी अतिशय सुंदर दिसत होती. तर साखरपुड्याच्या पूजेसाठी तेजस्विनीने पिवळ्या रंगाची काठपदरची साडी आणि त्यावर डिझाइनर ब्लाऊज परिधान केला होता, तिच्या या लूकमध्ये भरजरी दागिन्यांनी भर घातली. या दोघांच्या साखरपुड्याला अनेक मान्यवरांनी उपस्थिती लावली होती. याशिवाय प्रसिद्ध अभिनेता सिद्धार्थ जाधव सुद्धा या कार्यक्रमाला उपस्थित होता, सिद्धार्थने तेजस्विनीच्या साखरपुडा समारंभातील फोटो पोस्ट केले आहेत.
आणखी वाचा – सतीश शाह यांच्या अंतिम संस्काराला कलाकार रडले, ऑनस्क्रीन लेकाने दिला खांदा, तर सून पार्थिवासमोर ढसाढसा रडली
तेजस्विनी लोणारी आणि समाधान सरवणकर आता केव्हा लग्नबंधनात अडकणार याकडे साऱ्यांच्या नजरा लागून राहिल्या आहेत. तेजस्विनीच्या कामाबद्दल बोलायचे झाले तर, ‘तुझेच मी गीत गात आहे’, ‘देवमाणूस’ या मालिकांमुळे ती घराघरांत पोहोचली. ‘बिग बॉस मराठी’मुळे तिला खऱ्या अर्थाने लोकप्रियता मिळाली.
