tejashri pradhan new serial : ‘झी मराठी’ वाहिनीवर प्रदर्शित झालेल्या ‘वीण दोघांतली ही तुटेना’ या मालिकेने प्रदर्शनापूर्वीपासूनच प्रेक्षकांच्या मनात उत्सुकता निर्माण केली. ही मालिका केव्हा सुरु होणार याकडे साऱ्यांच्या नजरा लागून राहिल्या होत्या. अखेर ही मालिका प्रेक्षकांच्या भेटीस आली असून अभिनेत्री तेजश्री प्रधान आणि अभिनेते सुबोध भावे यांची मालिकेतील एन्ट्री प्रेक्षकांना विशेष भावली. पहिल्यांदाच ही नवी कोरी जोडी टेलिव्हिजनवर महत्त्वपूर्ण भूमिकेत पाहायला मिळत आहे. ११ ऑगस्ट रोजी संध्याकाळी ७.३० वाजता या मालिकेचा पहिला भाग प्रसारित झाला. झी मराठीवर सुरु झालेल्या या मालिकेमध्ये तेजश्रीने स्वानंदी सरपोतदार ही भूमिका साकारली असून, सुबोध समर राजवाडे हे पात्र साकारत आहे.
मालिकेच्या या पहिल्या भागानंतर सोशल मीडियावर प्रेक्षकांनी मालिकेचं तोंडभरुन कौतुक केले आहे. स्वानंदी आणि समर या पात्रांबाबत अनेकांनी प्रतिक्रिया दिल्या आहेत. दरम्यान, स्वानंदी हे पात्र पाहून तेजश्रीच तोंडभरुन कौतुक होत आहे. तिची ही नवी भूमिका पाहून अनेकजण जान्हवीची आठवण आल्याचं म्हणत आहेत. होणार सून मी या घराची या मालिकेत तेजश्रीने साकारलेलं जान्हवी हे पात्र विशेष गाजलं. अखेर आता पुन्हा एकदा तेजश्री नव्या भूमिकेतून प्रेक्षकांच्या भेटीस आली आहे.
तेजश्रीच्या नव्या मालिकेचा पहिला भाग समोर आल्यानंतर नेटकऱ्यांनी असंख्य प्रतिक्रिया दिल्या आहेत. एका युजरने असे लिहिले आहे की, “खूपच छान आहे मालिका, आज तेजश्रीचा सुरुवातीचा सीन पाहून जान्हवीची आठवण आली. बाकी मालिका छान आहे”. तर आणखी एकाने कमेंट करत म्हटलं की, “खूप मस्त, स्वानंदीचा प्रवास पाहण्यासाठी उत्सुक आहोत”. अनेकांनी ‘खूप छान’, ‘अप्रतिम’, ‘सुपरहिट होणार’ अशाही कमेंट केल्या आहेत. अन्य एकाने लिहिले की, ‘खूप छान होता पहिला भाग. समर आणि स्वानंदी यांचा अभिनय उत्तम’.
आणखी वाचा – ‘तारक मेहता…’ची बबिता सोशल मीडियापासून आहे दूर, कारण सांगत म्हणाली, “गेले १० दिवस हॉस्पिटल…”
तेजश्री-सुबोधने एकेकाळी त्यांच्या वेगवेगळ्या मालिकांमधून टीआरपीच्या बाबतीत टीव्हीवर अधिराज्य गाजवलं. आता या मालिकेत समरची श्रीमंती आणि याउलट स्वानंदीचा साधेपणा अशा दोन बाजू यामध्ये पाहायला मिळणार आहेत.
