सोनाक्षी सिन्हा व झहीर इक्बाल यांची गेल्या अनेक दिवसांपासून सोशल मीडियावर चर्चा सुरु आहे. झहीर व सोनाक्षीचे २३ जानेवारी २०२४ रोजी लग्न झाले. लग्नानंतर या जोडीचे अनेक फोटो, व्हिडीओ सोशल मीडियावर व्हायरल होताना दिसले. सोनाक्षी व झहीरने नोंदणीकृत पद्धतीने आणि घरच्या घरी लग्न केले. त्यानंतर त्यांनी जवळच्या नातेवाईक व मित्रपरिवारासाठी रिसेप्शन पार्टीचे आयोजन केले होते. अशातच आता सोनाक्षीने लग्नाच्या दिवसाचा सुंदर असा एक व्हिडीओ शेअर केला आहे. या व्हिडीओमध्ये सोनाक्षी झहीरचे कुटुंबीय तिच्याबरोबर उभे असल्याचे दिसत आहेत. (Sonakshi Sinha And Zaheer Iqbal Wedding)
झहीरचे कुटुंब आणि सोनाक्षीचे कुटुंब या नोंदणीकृत विवाहाचा भाग बनलेले दिसले. याचबरोबर सोनाक्षी व झहीरचे खास व जवळचे मित्रही लग्नाला आले होते. ज्यांनी नवविवाहित जोडप्यासह धमाल, मस्ती करताना दिसली. या व्हिडीओमध्ये तुम्हाला सोनाक्षी-झहीरच्या लग्नाची झलक पाहायला मिळत आहे. सोनाक्षी सिन्हा आणि झहीर इक्बाल यांनी ‘रामायण’मध्ये शत्रुघ्न सिन्हा यांच्या घरी नोंदणीकृत विवाह केला. हा व्हिडीओ शेअर करताना सोनाक्षीने लिहिले की, “कुटुंब, मित्र, प्रेम, मैत्री, आनंद, हशा, मूर्ख कमेंट्स, आजूबाजूला धावणारी मुले, डोळ्यातील आनंदाश्रू, उत्साह, भाषण, आरडाओरड, मज्जा, आनंद, भावना व लग्न खऱ्या आनंदात घर, या सगळ्यांनी आम्ही दोघेही परिपूर्ण झालो”.
व्हिडिओ घराच्या एका मजल्यावरून सुरू होतो जिथे सोनाक्षीचे मित्र झहीरला चिडवताना दिसत होते. अभिनेता सिदही इक्बालची छेड काढत आहे. झहीर आणि सोनाक्षी कागदावर सही करतात, तर दोन्ही बाजूचे लोक साक्षीदार म्हणून सही करतात. नोंदणी पद्धतीने विवाह झाल्यानंतर सोनाक्षी आनंदाने ओरडताना दिसत आहे आणि झहीरला मिठी मारते. लेकीच्या लग्नानंतर शत्रुघ्न सिन्हा व पूनम सिन्हा भावूक होताना दिसले. यानंतर झहीर व सोनाक्षी कायदेशीररित्या पती पत्नी झाले. लग्नानंतर सोनाक्षीला रडू आले.
. लग्नाच्या रिसेप्शन लूकसाठी सोनाक्षी व झहीरने लाल व पांढऱ्या रंगाचं कॉम्बिनेशन केलं होतं. ग्रँड वेडिंग रिसेप्शनमध्ये सोनाक्षी सिन्हाने लाल रंगाची साडी, केसात गजरा, भांगेत सिंदूर आणि हातात चुडा घातलेला दिसत आहे. तर दुसरीकडे झहीर पांढऱ्या रंगाच्या जोधपुरीमध्ये छान दिसत आहे. सोनाक्षी व झहीर इक्बाल जवळपास सात वर्षांपासून एकमेकांना डेट करत होते. जेव्हा सोनाक्षीने लग्नाचा फोटो शेअर केला तेव्हा तिने सांगितले की, २३ जून २०१७ रोजी त्यांनी एकमेकांना कायमचे निवडले.