Poonam Pandey Died at 32 : बॉलिवूड अभिनेत्री पूनम पांडे हिच्या मृत्यूच्या बातमीने साऱ्यांना धक्का बसला होता. यानंतर आता अचानक व्हिडीओ शेअर करत जिवंत असल्याचा खुलासा करत अभिनेत्रीने शेअर केलेल्या व्हिडीओने साऱ्यांना संभ्रमात पाडलं आहे. पूनमच्या इन्स्टाग्राम अकाऊंटद्वारे निधन झालं असल्याची माहिती सांगण्यात आली. पूनमच्या निधनाची बातमी ऐकताच सगळ्यांनाच दुःख झालं होतं. यानंतर पूनम जिवंत असल्याचं समोर आलं असून तिने स्वतः इन्स्टाग्रामद्वारे व्हिडीओ शेअर करत याबाबत माहिती दिली. गर्भाशयाच्या मुखाचा कर्करोग याबाबत जनजागृती करण्याच्या हेतून हा स्टंट केला असल्याचं तिच्या व्हिडीओमधून दिसून आलं.
त्यानंतर अनेकांनी अभिनेत्रीला ट्रोल केलं असल्याचं समोर आलं. आता पूनमच्या या कृतीमुळे लोक चांगलेच संतापले आहेत. दरम्यान अभिनेत्रीला जोरदार ट्रोलही करण्यात येत आहे. काही कलाकारांनी व्हिडीओ करत अभिनेत्रीला खडेबोल सुनावले आहेत. यानंतर आता अभिनेत्री राखी सावंत हिने याबाबतचा एक व्हिडीओ शेअर केला आहे. कालही पूनमच्या निधनाच्या बातमीने अभिनेत्री राखी सावंत हिने एक पोस्ट शेअर करत श्रद्धांजली वाहिली. त्यांनतर अभिनेत्री राखीने पूनमच्या जिवंत असल्याच्या व्हिडीओनंतर संताप व्यक्त करत एक व्हिडीओ शेअर केला आहे.
या व्हिडीओमध्ये राखीने असं म्हटलं आहे की, “पूनम तू आमचा जीव घेतलास. पूनम पांडे तू वेडी आहेस का? असा मृत्यूचा व्हिडीओ शेअर करत कोण पब्लिसिटी स्टंट करतं. मीडिया, चाहते आणि माझ्या भावनांशी तू खेळली आहेस. काय खेळ चालवला आहेस. असं कृत्य कोण करतं. मी कालपासून दुखी आहे. माझा व्हिडीओ काल रिलीज होणार होता पण मी स्पष्ट नकार दिला. म्हटलं, माझ्या मैत्रिणीने या जगाचा निरोप घेतला आहे तर मला आजच्या या दिवशी कोणतंच काम करायचं नाही. मी खूप रडले. कोण असं वागत? आम्ही तुझ्या या वागण्याने खूप दुखावलो आहोत”.
यापुढे ती म्हणाली आहे की, “कालपासून मी तुला किती कॉल्स करत आहे, ऑडिओ नोट्स पाठविले पण तुझा काहीच रिप्लाय आला नाही. तू जिवंत रहा, खुश रहा. कधीच असं कृत्य करु नकोस. ज्याने मीडिया, तुझे चाहते दुखावले जातील. ३२ व्या वर्षी तू या जगाचा निरोप घेतला हे ऐकून सर्वच दुःखी झाले होते, पुन्हा असं वागू नकोस”.
