Prajakta Gaikwad Engagement Date : काही दिवसांपासून अभिनेत्री प्राजक्ता गायकवाड चर्चेत आली. अभिनेत्रीने अचानक लग्नापुर्वीच्या विधींचे फोटो इंस्टाग्रामवर शेअर केल्याने ती चर्चेत आली. काही दिवसांपूर्वीच अभिनेत्रीने ठरलं असं म्हणत लग्न ठरल्याची आनंदाची बातमी चाहत्यांना दिली. यावेळी तिने सुपारी फुटल्याचा कार्यक्रमाचे खास फोटो शेअर केले. अभिनेत्रीचा मराठमोळा पारंपरिक लूक यावेळी लक्षवेधी ठरला. “ठरलं! कुंकवाचा कार्यक्रम”, असं म्हणत तिने ही आनंदाची बातमी चाहत्यांसह शेअर केली. मात्र यावेळी अभिनेत्रीने ती कोणाबरोबर लग्नबंधनात अडकणार आहे हे मात्र गुलदस्त्यात ठेवले आहे.
अशातच आता अभिनेत्रीने आता इंस्टाग्राम स्टोरीवर शेअर केलेल्या आणखी एका स्टोरीने साऱ्यांचं लक्ष वेधलं आहे. अभिनेत्रीच्या घरी तिच्या साखरपुड्याची जोरदार तयारी सुरु असल्याचं पाहायला मिळत आहे. अभिनेत्रीने साखरपुड्यानिमित्त हातावर सुंदर अशी मेहंदी काढली असल्याचं समोर आलं आहे. मेहंदीचा व्हिडीओ शेअर करत तिने साखरपुड्याची तारीखही जाहीर केली आहे. अभिनेत्री उद्या म्हणजेच ७ ऑगस्ट २०२५ रोजी साखरपुडा समारंभ उरकणार असल्याचं समोर आलं आहे.
आणखी वाचा – लाईव्ह परफॉर्मन्स सुरु असतानाच अंतर्वस्त्र फेकलं आणि…; कलाकारानेच दाखवलं नेमकं काय घडलं, व्हिडीओ व्हायरल
तिने तिच्या हातावरच्या सुंदर आणि नक्षीदार मेहंदीसह एक व्हिडीओ शेअर करत “सुरुवात झाली…साखरपुड्याला फक्त एक दिवस बाकी”, असं कॅप्शन दिलं आहे. या नक्षीदार मेहंदीने खास लक्ष वेधून घेतलं आहे, कारण या मेहंदीमध्ये प्राजक्ताने तिच्या आणि तिच्या होणाऱ्या नवर्याच्या नावाचे पहिले अक्षर काढले आहे. या मेहंदीमध्ये एक मुलगा मुलीला अंगठी घालताना दिसत आहे, शिवाय love असं इंग्रजीतही लिहिलं आहे.
प्राजक्ताच्या मेहंदीमध्ये दोन अंगठ्या पाहायला मिळत आहे, यांत एका अंगठीमध्ये S हे अक्षर आहे. तर दुसऱ्या अंगठीमध्ये P असं लिहिलं आहे. यावरुन प्राजक्ताच्या होणाऱ्या नवऱ्याचं नाव S या अक्षरापासून सुरु होत असल्याचं कळतंय. पण अभिनेत्रीच्या होणाऱ्या नवऱ्याबाबतची कोणतीही माहिती समोर आलेली नाही. साखरपुड्यानंतर आता अभिनेत्रीचा होणार नवरा कोण आहे हे समोर येईल. त्यामुळे साऱ्यांच्या नजरा आता अभिनेत्रीच्या साखरपुडा समारंभाकडे लागून राहिल्या आहेत.
