Niyati Rajwade New Serial : मराठी मालिकाविश्व आणि येथील कलाकार मंडळी यांचं प्रेक्षकांशी अतूट नातं असलेलं पाहायला मिळतं. मालिकांमध्ये, चित्रपटांमध्ये काम करत ही कलाकार मंडळी रसिक प्रेक्षकांच्या मनात घर करतात. मात्र बरेचदा आर्थिक, कौटुंबिक अडचणींमुळे ही कलाकार मंडळी वेगळ्या क्षेत्रात पदार्पण करत अभिनयातून ब्रेक घेतानाही दिसतात. असं असलं तरी त्यांचं अभिनयाप्रती असलेलं प्रेम काही केल्या कमी होत नाही. त्यांच्यातील अभिनय हा नेहमीच त्यांना उत्स्फूर्त करताना दिसतो. बरेचदा अनेक वर्षांनी ही कलाकार मंडळी रसिकांच्या भेटीस येत त्यांची मन जिंकताना दिसतात.
अशातच तब्बल २५ वर्षांनी एक मराठमोळी अभिनेत्री मालिकाविश्वात पदार्पण करणार असल्याचं समोर आलं आहे. ही अभिनेत्री म्हणजेच नियती राजवाडे नाटक, मालिका व काही चिटपटांच्या माध्यमातून प्रेक्षकांच्या भेटीला आलेली अभिनेत्री म्हणजे नियती राजवाडे. नियती यांनी केवळ मालिकांमध्येच नव्हे तर रिअॅलिटी शोमधूनही प्रेक्षकांचे मनोरंजन केलं. नियती यांनी ‘कॉमेडीची बुलेट ट्रेन’, ‘कॉमेडी एक्सप्रेस’ तसेच ‘महाराष्ट्राची हास्यजत्रा’ यांसारख्या मराठी विनोदी कार्यक्रमांमधूनही प्रेक्षकांना हसवण्याचे काम केलं आहे.
आणखी वाचा – “तिच्याशिवाय घर खायला उठायचं”, शेफाली जरीवालाच्या आठवणीत पती झालेले भावुक, म्हणालेले, “तिची खरी किंमत…”
मालिकाविश्वातील ही अभिनेत्री आता पुन्हा एकदा झी मराठी वाहिनीवर तब्बल २५ वर्षांनी पुन्हा येत आहे. झी मराठी वाहिनीवर लवकरच सुरु होणाऱ्या नव्या मालिकेतून ती छोट्या पडद्यावर परतत आहे. मालिकाविश्वातील लोकप्रिय चेहरा अभिनेत्री शिवानी सोनार मुख्य भूमिकेत असलेली ही मालिका असून यांत नियती राजवाडेही सहकलाकाराच्या भूमिकेतून भेटीस येणार आहे. आता या मालिकेत नियती कोणत्या भूमिकेत दिसणार?, तिची भूमिका नेमकी काय असणार आहे?, हे अद्याप गुलदस्त्यात ठेवण्यात आले आहे.
आजवर नियतीने ‘लबाड कुठली’, ‘लंडनचा जावई’, ‘नो प्रॉब्लेम’ या चित्रपटांमधून महत्त्वाची भूमिका साकारली आहे. ‘लेक माझी दुर्गा’, ‘खरंच तिचं काय चुकलं’, या मालिकांमधूनही नियतीने प्रेक्षकांच्या मनात घर केलं आणि आता नियती पुन्हा एकदा छोट्या पडद्यावर महत्त्वपूर्ण भूमिकेतून तब्बल २५ वर्षांनी प्रेक्षकांच्या भेटीस येत आहे.
