‘महाराष्ट्राची हास्यजत्रा’ या लोकप्रिय कार्यक्रमाचे आज जगभरात मोठा चाहतावर्ग आहे. तुफान विनोदी स्किट्सचे सर्वच जण दिवाने झाले. शिवाय, कलाकारांच्या अफलातून टायमिंगचं देखील कार्यक्रमाच्या लोकप्रियतेमागे मोठं योगदान आहे. या कार्यक्रमातून अनेक कलाकार घराघरात पोहोचले असून त्या प्रत्येक कलाकाराचा एक चाहतावर्ग निर्माण झाला. नाटक, मालिका व चित्रपटांमधून झळकलेली अभिनेत्री नम्रता संभेरावलाही या कार्यक्रमातून मोठी लोकप्रियता मिळाली आहे. नम्रताने या कार्यक्रमात अनेक व्यक्तिरेखा साकारली असून तिच्या सर्वच व्यक्तिरेखांना प्रेक्षकांकडून शाबासकीची थाप मिळाली. (Namrata Sambherao share a funny video of her son Rudraaj)
अभिनयाव्यतिरिक्त नम्रता सोशल मीडियावर जोरदार सक्रिय असून ती नेहमीच तिच्या चाहत्यांसह विविध फोटोज व व्हिडीओज शेअर करत असते. नम्रता तिचा लेक रुद्राजचे अनेक व्हिडीओ शेअर करते, ज्याची नेहमी चर्चा होत असते. आताही तिने तिच्या लेकाचा शेअर केलेला एक छानसा व्हिडीओ सर्वांचे लक्ष वेधून घेत आहे.
शेअर केलेल्या या व्हिडीओमध्ये रुद्राज व नम्रता यांच्यात गोड संभाषण होताना दिसत आहे. रुद्राज या व्हिडीओत त्याच्या आजीपासून लपवून स्वयंपाक घरात जाऊन त्याच्या ज्यूस पिताना दिसत आहे. तर त्याची आई नम्रता त्याला आजी ओरडणार असल्याचं सांगते. ती रुद्राजला विचारते, “काय केलंस तू रुद्राज?”. त्यावर तो म्हणाला, “मी हा ज्यूस घेतला, तिकडे ठेवला आणि ओतला.” त्यावर आई (नम्रता) म्हणाली, “अरे पण आजी ओरडेल ना?”. त्यावर तो म्हणाला, “नाही ना, थांब मी दाखवतो.”
हे देखील वाचा – फेसबुक, इन्स्टाग्रामवरुन प्रेक्षकांनी केली आर्थिक मदत, ‘त्या’ व्हिडीओनंतर जुई गडकरीचं होतंय कौतुक, आश्रमात गेली अन्…
पुढे रुद्राज आईला (नम्रता) सांगतो, “आता बघा माझी ऍक्टिंग… माझी ऍक्टिंग बघा हा आता.” त्यावर ती म्हणते, “अरे रुद्राज आजीला कळेल ना की, त्याच्यात ज्यूस आहे.”. त्यावर तो म्हणाला, “नाही कळणार. कारण माझ्याकडे एक आयडिया आहे.” असं म्हणत त्याने ही आयडिया आईला सांगितली. “आजीला हे पण माहित नाही की, मी आणलं हे ज्यूस आणि त्यात मी पाणी टाकलं.”, असं तो यामध्ये म्हणाला. त्यावर ती म्हणाली, “असं बोलला तू आजीला?” त्यावर तो हो बोलला आणि माझ्या आजीला हेही माहित नसल्याचं सांगितला. त्यावर नम्रता रुद्राजला ही आयडिया कशी सुचली असल्याचं विचारता तो म्हणाला, “ही माझी सोप्पी आयडिया आहे.”
हे देखील वाचा – “दुसऱ्या देशात जा”, दिवाळीमध्ये फटाके न फोडण्याचा सल्ला दिल्यानंतर वैभव मांगले ट्रोल, नेटकरी म्हणाले, “कलाकार आहात म्हणून…”
पुढे ती रूद्राजला सांगते, “तुझी ही आयडिया फ्लॉप आहे.” त्यावर तो म्हणतो, “नाही, तुझी रेकॉर्डिंग फ्लॉप आहे.” त्यावर प्रतिप्रश्न करत ती म्हणते, “कोण बोललं असं?” त्यावर तो लगेच म्हणाला, “तूच बोलली स्वतःच्या हाताने.” त्यावर “माझ्या स्वतःच्या हाताने बोललीस. असं हाताने कोण बोलतं का?” असं नम्रता रुद्राजला म्हणाली आणि हे माय-लेक हसताना दिसतात. या गोंडस व्हिडीओला तिने “रुद्राज म्हणतोय माझी ऍक्टिंग बघा, मी शूट केलं तर म्हणतोय आई तुझी रेकॉर्डिंग फ्लॉप आहे.”, असं कॅप्शन दिलं आहे. माय-लेकाचा हा गोंडस व्हिडीओ सध्या सोशल मीडियावर जोरदार व्हायरल होत आहे. तसेच, कलाकारांसह चाहत्यांनीही रुद्राजच्या या निरागसपणाचे कौतुक केले आहे.
