Hina Khan : टेलिव्हिजन अभिनेत्री हिना खान नेहमीच कोणत्या ना कोणत्या कारणामुळे चर्चेत राहिली आहे. कॅन्सरसारख्या गंभीर आजाराचा सामना केल्यानंतर अभिनेत्री तिच्या लग्नामुळे चर्चेत आली. अभिनेत्रीने थेट लग्नसोहळ्याचे फोटो शेअर करत आनंदाची बातमी दिली. रॉकी जयस्वालशी लग्न केल्यावर अभिनेत्री हिना खान आता एखाद्या राजकुमारीसारखी राहत आहे. हो. तिने तिच्या इन्स्टाग्रामवर एक मजेदार व्हिडीओ शेअर केला आहे ज्यामध्ये तिच्याबरोबर नेमकं काय होतंय याची वास्तविकता पाहायला मिळत आहे. अपेक्षित रीलमध्ये, हिनाच्या चेहऱ्यावरचा आनंद ती किती खुश आहे हे सांगत आहे.
हिना खान म्हणाली की, तिच्या आयुष्यात अशा लोकांचा वावर आहे ज्यांना पाहून ती स्वत: ला भाग्यवान मानते. व्हिडीओ शेअर करत तिने कॅप्शन देत असं म्हटलं की, “अपेक्षा vs रिऍलिटी. मला असं सासर मिळालं आहे जे बर्याच दिवसांपासून माझे कुटुंबच आहे असं मला वाटत आहे आणि ते मला राजकुमारीसारखे ठेवतात. केवळ लग्नानंतरच नव्हे तर सुरुवातीपासूनच. जरी हे जवळजवळ सर्वच कॅमेर्यासमोर लाजाळू असले तरी, ते कोणताही संकोच किंवा प्रश्नाशिवाय माझ्यासाठी एकत्र आले. फक्त मला संतुष्ट करण्यासाठी, यांनी माझ्यावर खूप प्रेम करणे हे भाग्यवान आहे, जे लोक मजा समजतात आणि आनंदी आयुष्य जगणं किती महत्त्वाचे आहे हे समजतात. सर्वांचे आभार”.
हिना शेवटी म्हणाली, “पीएस- या व्हिडीओमधील सर्व पात्र काल्पनिक आहेत”. ४ जून रोजी ‘ये रिश्ता क्या केहलाता है’ फेम या अभिनेत्रीने तिचा प्रियकर रॉकी जयस्वालबरोबर सोशल मीडिया पोस्टसह लग्नाची घोषणा केली, ज्यात कोर्टाच्या समारंभाची काही प्रेमळ छायाचित्रे समाविष्ट केली होती. या पोस्टमध्ये, त्या दोघांनी लग्नाचे, विशेष दिवशी मेहंदीचे काही जवळचे फोटो शेअर केले.
आणखी वाचा – शेफालीच्या अस्थी हृदयाशी धरुन ढसाढसा रडला पराग त्यागी, बायकोचं नसणं सहन होईना, व्हिडीओ पाहून चाहतेही भावुक
हिनाने लग्नासाठी ओपल हिरव्या रंगाची साडी परिधान केली होती. मनीष मल्होत्राने डिझाइन केलेल्या साडीची तिने निवड केली. सोनेरी आणि चंदेरी धाग्यांनी या साडीचं डिझाइन करण्यात आलं होतं. साडीची किनार हलक्या गुलाबी रंगाने सजवली होती. ब्लाऊजही अगदी हलक्या गुलाबी रंगाचा होता. त्यावर सुंदर वर्क करण्यात आलं होतं. त्यामुळे हिनाचा लूक आणखीनच उठून दिसत होता. तर साडीवर ८ अंक लिहिलण्यात आला होता. याचा अर्थ इनफिनिटी. इनफिनिटीचं हे साइन होतं. आयुष्यभर अशीच एकमेकांची साथ देऊया सांगणारी ही डिझाइन होती.
