‘बिग बॉस ओटीटी’ सीझन एकची विजेती दिव्या अग्रवाल ही नेहमी चर्चेत असते. तीने २० फेब्रुवारी रोजी तिचा बॉयफ्रेंड अपूर्व पाडगावकर बरोबर लग्नबंधनात अडकली. लग्नाच्या सर्व विधींचे फोटो मोठ्या प्रमाणावर सोशल मिडियावर व्हायरल झाले. दिव्या सोशल मीडियाच्या माध्यमातून नेहमीच चाहत्यांच्या संपर्कात असते. तिच्या आयुष्यातील प्रत्येक क्षण ती सोशल मीडियाच्या माध्यमातून शेअर करत असते. आता पुन्हा एकदा तिच्या फोटोमुळे ती चर्चेत आली आहे. यामध्ये ती एकदम पारंपारिक वेशात असून गुढी उभारताना दिसत आहे. (divya agarwal first gudhi padwa)
दिव्याचे नुकतेच अपूर्वबरोबर लग्न झाले आहे. लग्नानंतर तिचा हा पहिलाच पाडवा आहे. त्यावेळी तिने पहिल्यांदाच आपल्या पतीबरोबर गुढी उभारून नवीन वर्षाची सुरवात केली आहे. याचे फोटो सोशल मीडियावर मोठ्या प्रमाणात व्हायरल होत आहेत. चाहत्यांनी तिच्या फोटोला खूप पसंती दर्शवली आहे.
समोर आलेल्या फोटोमध्ये तिने पांढऱ्या रंगाची साडी नेसली असून त्याला मॅचिंग असा गुलाबी रंगाचा ब्लाऊज घातला आहे. तसेच हातात बांगड्यादेखील घातल्या आहेत. तिने आपल्या सासरी पहिल्यांदाच गुढी पाडवा साजरा केला. तिच्याबरोबर काही फोटोंमध्ये तिचा पती अपूर्वदेखील दिसून येत आहे. दोघेही एकत्र खूप छान दिसत आहेत. हे फोटो शेअर करत तिने “पहिला गुढी पाडवा”, असे कॅप्शन लिहिले आहे. तसेच दुसरी पोस्ट शेअर करत तिने “आणखी काही फोटो” असे कॅप्शन लिहिले आहे.
तिच्या फोटोवर तिच्या चाहत्यांनी तिचे कौतुक केले आहे. एका नेटकाऱ्याने लिहिले आहे की, “तू खूप सुंदर दिसत आहेस”, दुसरा नेटकरी लिहितो की, “तुम्ही दोघं एकत्र खूप सुंदर दिसता”, तसेच अजून एक नेटकरी म्हणाला की, “लग्नानंतरची पहिली गुढी आहे, खूप छान सजवली आहे.
‘बिग बॉस ओटीटी’चा पहिला सीझन जिंकल्यानंतर तिला खूप प्रसिद्धी मिळाली. त्यानंतर ती अनेक वेबसिरिज व म्युजिक व्हिडीओमध्येही दिसून आली होती.
