आज ९ एप्रिल, गुढीपाडवा. हिंदू नववर्षाचा पहिला दिवस. आज गुढीपाडवानिमित्त सर्वत्र आनंदाचे व उत्साहाचे वातावरण आहे. सर्वत्र गुढीपाडवा अगदी जल्लोषात व उत्साहात साजरा केला जात आहे. ठिकठिकाणी गुढीपाडव्यानिमित्त आज शोभायात्रांचे आयोजन केले गेले आहे. सामान्य व्यक्तीसह मराठी मनोरंजन विश्वातील अनेक कलाकार मंडळीही गुढीपाडवा साजरा करत आहे. मराठी मनोरंजन विश्वातील अनेक कलाकारांनी सोशल मीडियावर आजच्या या खास गुढीपाडव्याचे पारंपरिक अंदाजातले फोटो सोशल मीडियावर शेअर केले आहेत आणि सर्वांना आजच्या गुढीपाडव्यानिमित्त शुभेच्छा दिल्या आहेत.
अभिनेत्री अमृता खानविलकरनं मराठमोळ्या पारंपरिक अंदाजात गुढीपाडवा साजरा केला आहे. तिनं सोशल मीडियावर एक व्हिडिओ शेअर करत सर्वांना गुढीपाडव्याच्या शुभेच्छा दिल्या आहेत. यावेळी अमृताने गुलाबी रंगाची साडी व त्यावर गुलाबी रंगाचा ब्लाऊज असा लूक केला.
प्रार्थना बेहेरेनेदेखील गुढीचा व शंखनाद करतानाचा एक व्हिडीओ सोशल मीडियावर शेअर केला आहे. तसेच सण हर्षाचा, नव्या संकल्पांचा, इच्छा आकांक्षा, स्पप्नपूर्तींना बळ देणारा” असं म्हणत तिने सर्वांना गुढीपाडव्याच्या शुभेच्छा दिल्या आहेत.
अभिनेता प्रथमेश परब व क्षितिजा घोसाळकर यांनी लग्नानंतरचा पहिला गुढीपाडवा खास पद्धतीने साजरा केला. त्यांनी सोशल मीडियावर एक फोटो शेअर करून चाहत्यांना शुभेच्छा दिल्या आहेत.
अभिनेता स्वप्निल जोशीनेही सोशल मीडियावर एक व्हिडीओ शेअर करत आपल्या चाहत्यांना गुढीपाडव्याच्या शुभेच्छा दिल्या आहेत. सुरुची-पीयूष, मुग्धा-प्रथमेश, पूजा-सिद्धेश यांनीही गुढीपाडवा व नवीन वर्षाच्या हार्दिक शुभेच्छा असं म्हणत सर्वांना गुढीपाडव्याच्या शुभेच्छा दिल्या आहेत.
‘सा रे ग म प लिटिल चॅम्प्स’ फेम प्रथमेश व मुग्धानेही पारंपरिक लूकमधला फोटो शेअर केले आहेत. तसेच या फोटोखाली “तुम्हा सर्वांना गुढीपाडवा व हिंदू नववर्षाच्या खूप शुभेच्छा” असं म्हणत करत चाहत्यांना गुढीपाडव्याच्या शुभेच्छा दिल्या आहेत.
‘तुझ्यात जीव रंगला’ फेम हार्दिक आणि अक्षया यांची लोकप्रिय जोडीनेही गुढीबरोबरचा फोटो शेअर करत सर्वांना आजच्या या गुढीपाडव्याच्या शुभेच्छा दिल्या आहेत. तर शिवानी सुर्वे व अजिंक्य ननावारे यांनीही खास व्हिडीओ शेअर करत सर्वांना गुढीपाडव्याच्या शुभेच्छा दिल्या आहेत.
अभिनेता सुबोध भावे आणि मंजिरी भावे यांनी त्यांच्या कुटुंबियांबरोबर खास व्हिडीओ शेअर करत गुढीपाडव्याचया शुभेच्छा दिल्या आहेत. ‘हिंदू नव वर्षाच्या हार्दिक शुभेच्छा … आमची (भावे कुटुंबाची) गुढी आमच्या पुण्याच्या बुधवार पेठेच्या घरी उभारली जाते. मुलांच्या लहानपणापासून त्यांना कळावं म्हणून मुंबईत आमची ही रेडिमेड गुढी …’ असं कॅप्शनदेखील देत त्यांनी हा व्हिडीओ शेअर केला आहे.
