‘मैने प्यार किया’ या चित्रपटातून अभिनेत्री भाग्यश्री पटवर्धन ही खूप प्रकाशझोतात आली. १९८९ साली तीने या चित्रपटातून अभिनेता सलमान खानबरोबर काम करताना दिसली. या चित्रपटातील तिच्या भूमिकेचे खूप कौतुक करण्यात आले. तिच्या सहजसुंदर अभिनयाने तिने सर्व प्रेक्षकांची मने जिंकली. त्यानंतर तीने हिंदी, तेलुगू, कन्नड, बंगाली, भोजपुरी अशा अनेक भाषांमधील चित्रपटांमध्ये काम केले. १९८९मध्येच तिने हिमालय दस्सानी यांच्याबरोबर लग्नबंधनात अडकली. दोघांनाही दोन मुलं आहेत. भाग्यश्री आपल्या सोशल मीडियाच्या माध्यमातून नेहमीच चाहत्यांच्या संपर्कात असते. पण आता नुकताच तिने तिचा व तिच्या पतीचा व्हिडीओ शेअर केला आहे. (Bhagyashree Patwardhan viral video)
भाग्यश्री गेल्या काही काळापासून मनोरंजनक्षेत्रापासून लांब होती. पण आता पुन्हा ती अभिनयाकडे वळली आहे. नुकतीच ती ‘सजनी शिंदे का व्हायरल व्हिडीओ’ या चित्रपटामध्ये दिसली होती. आता पुन्हा एकदा तिने शेअर केलेल्या व्हिडीओमुळे ती चर्चेत आली आहे. सदर व्हिडीओमध्ये ती तिच्या पतीबरोबर ‘कितने भी तू करले सितम’ या गाण्यावर डान्स करताना दिसत आहे. तिने त्यावर “कितने भी तू कर ले सितम…तू ही रहेगा सनम,चिजी ना?”, असे कॅप्शन दिले आहे.
या व्हिडीओमध्ये तिने हिरव्या रंगाचा वेस्टर्न आऊटफिट घातला आहे तर तिच्या पतीने चॉकलेटी रंगाचा शर्ट पॅंट घातली आहे. दोघेही हातात हात घालून नाचताना दिसत आहेत. पण व्हिडीओ व्हायरल होताच तिच्या चाहत्यांनी पोस्टवर लाईक्स व प्रतिक्रियांचा वर्षाव केला आहे. काही नेटकऱ्यांनी या व्हिडीओला अनेकांनी नाराजीही दर्शवली आहे.
व्हिडीओवर अनेक नेटकऱ्यांनी प्रतिक्रिया दिल्या आहेत. त्यावर एक नेटकरी म्हणतो की, “तुम्ही काय विचार करुन यांच्याबरोबर लग्न केलेत?”, दुसरा नेटकरी लिहितो की, “तुमच्याबरोबर सलमान खान असते तर छान वाटले असते”, त्यानंतर नेटकरी लिहितात की “तेव्हा तुम्ही सलमान खानबरोबर लग्न केलं असतं तर बरं झालं असतं”, तसेच काहींनी तीव्र नाराजी दाखवत म्हंटले आहे की, “म्हातारपणामध्ये तुम्ही हे असले प्रकार का करता?, काही जण लिहितात की, “तुम्ही अजूनही तरुण दिसत आहात”, तसेच काही जणांनी तिची बाजू घेत ‘तुम्ही एकत्र किती छान दिसता”, “प्रेम गरजेचे आहे चेहरा नाही” अशा प्रतिक्रिया दिल्या आहेत.
दरम्यान भाग्यश्रीचा व्हिडीओ प्रचंड व्हायरल होताना दिसत आहे.
