अभिनेत्री अंकीटा लोखंडे ही सध्या तिचा आगामी चित्रपट ‘स्वातंत्र्य वीर सावरकर’ या चित्रपटामुळे चर्चेत आली आहे. तिने याआधी अनेक हिंदी चित्रपट, मालिकांमध्ये काम केले आहे. तसेच डान्स शोमध्ये देखील ती झळकली होती. दरम्यान ती नुकतीच ‘बिग बॉस’ या शोमध्येही ती तिच्या पतीसह उपस्थित होती. यामध्ये तिचे तिच्या पतीबरोबर अनेक वादही झाले. त्यामुळे दोघांच्या घटस्फोटाच्या अनेक चर्चा रंगल्या. या शोमध्ये विकीच्या आईने म्हणजेच अंकिताच्या सासूबाईनीही हजेरी लावली होती. त्यावेळी त्यांच्यामध्ये झालेल्या भांडणाची खूप चर्चा झाली होती. (ankita lokhande mother in law)
‘बिग बॉस’च्या १७व्या सीजनमध्ये अंकिता, तिचा पती विकी हे दोघेही सहभागी झाले होते. शो सुरू झाल्यानन्यत्र काही काळातच त्यांच्यामध्ये भांडणं सुरू झाली. ही भांडणं अनेकदा विकोपाला जात असत. त्यामुळे शोमधून बाहेर पडल्यानंतर दोघांमध्ये घटस्फोट होणार अशी चर्चा रंगली. अशातच त्यावेळी एका दिवशी विकी आई रंजना जैन ‘बिग बॉस’च्या घरात आल्या होत्या. तेव्हा त्यांच्यामध्ये व अंकितामध्ये खूप वाद झाले होते. रंजना यांनी अंकिताच्या पालनपोषणावर प्रश्न उपस्थित केले होते. त्यामुळे ती खूपच दुखावली गेली. बाहेर आल्यानंतरही त्यांनी अंकिता व विकीच्या लग्नाला विरोध होता असं सांगितलं होतं. त्याचबरोबर त्या म्हणाल्या होत्या की, “एखाद्या अभिनेत्रीबरोबर लग्न करायचं म्हणजे खूप खर्च होतो, त्यांचे खूप नखरे सहन करावे लागतात”.
त्यावर अंकिता ‘बिग बॉस’मधून बाहेर आल्यानंतर मात्र ती घरी खुश असल्याचे सांगितले होते. त्यांच्या कुटुंबातील भांडणं विकोपाला गेली असल्याचं पाहायला मिळालं होतं. अशातच आता अंकिताच्या सासूचा एक नवीन व्हिडीओ समोर आला आहे.
अंकिताची सासू तिचा चित्रपट पाहाण्यासाठी हजेरी लावली होती. त्यावेळी माध्यमांची नजर त्यांच्यावर पडली. त्यावेळी त्यांचा व्हिडीओ सोशल मीडियावर व्हायरल होत आहे. या व्हिडीओमध्ये कॅमेऱ्यामॅननी त्यांना अंकिताच्या चित्रपटाबद्दल विचारले तेव्हा त्या म्हणाल्या, “अंकिता खूप छान आहे. ती ए वन आहे”, त्यावर कॅमेऱ्यामॅनने विचारले की, “तुम्हाला हवी होती तशीच सून मिळाली ना?”, त्यावर अंकिताच्या सासूने उत्तर दिले, “हो, अगदी जशी हवी होती तशीच सून मिळाली आहे”. त्यांच्या या विधानाने अनेकांनी आश्चर्य व्यक्त केले आहे.
अंकिता सध्या ‘स्वातंत्र्य वीर सावरकर’ या चित्रपटाच्या प्रमोशनमध्ये व्यस्त आहे.