Vijay Deverakonda car accident : अभिनेता विजय देवराकोंडासह एक वाईट घटना घडली आहे. साखरपुड्याच्या अवघ्या तीन दिवसांनी अभिनेत्याचा अपघात झाला आहे. जेव्हा त्याच्या गाडीचा अपघात झाला तेव्हा जोगुलम्बा गडवाला जिल्ह्याच्या उंडावल्ली गावाजवळ तो होता. या अपघातात अभिनेत्यास काही मोठे असे नुकसान झाले नाही. जोगुलम्बा गडवाला जिल्ह्यातील उंडावल्लीजवळील रस्त्यावर अपघात झाला त्यावेळी दाक्षिणात्य अभिनेत्याची लेक्सस कार अचानक एका बोलेरोशी धडकली जी उजवीकडे वळली, ज्यामुळे हा मोठा अपघात झाला.
सूत्रांनी याची पुष्टी केली आहे की, त्यावेळी विजय देवरकोंडा वाहनाच्या आत होते, परंतु ते त्यावेळी सुरक्षितपणे बाहेर पडले. अधिकाऱ्यांचे म्हणणे आहे की हा अपघात अचानक झाला कारण बोलेरोने दिशा बदलली आणि अभिनेत्याच्या कारचे किरकोळ नुकसान झाले. चाहते काळजीत आहेत परंतु अधिकृत अहवालांनी याची पुष्टी केली आहे की विजय देवेराकोंडा जखमी नाही आणि अपघातानंतर सुरक्षित आहे एक्सवरील अभिनेत्याच्या ताज्या पोस्टमध्ये त्याने लिहिले, “सर्व काही ठीक आहे. कारला थोडं लागलं आहे, पण आम्ही सर्व ठीक आहोत. मी स्ट्रेंथ वर्कआउट देखील केले आणि नुकतेच घरी परतलो आहे. डोक्याला छोटी जखम झाली आहे. तर तुम्हा सगळ्यांना खूप प्रेम आहे. या बातमीबद्दल काळजी करु नका”.
आणखी वाचा – वयाच्या ४१ व्या वर्षी दुसऱ्यांदा गरोदर आहे भारती सिंग, बेबी बंप फ्लॉन्ट करत दिली गुडन्यूज, म्हणाली…
🚨 Vijay Deverakonda’s Car in Minor Accident — All Safe
— Aristotle (@goLoko77) October 6, 2025
A Lexus carrying Vijay Deverakonda and his family was involved in a small accident near Undavalli in Gadwal district after a Bolero reportedly took a sudden right turn. pic.twitter.com/bTyXyvNYrJ
पोलिसांनी दिलेल्या माहितीनुसार, अभिनेता विजय देवरकोंडा दुपारी तीनच्या सुमारास पुट्टपर्थीहून हैदराबादला जात होता, जेव्हा अचानक पुढे सरकणारी बोलेरो कार त्याच्या गाडीच्या डाव्या भागाला धडकली. विजय आणि इतर दोन लोक कारमध्ये होते. कृतज्ञतापूर्वक कोणालाही दुखापत झाली नाही. त्याने ताबडतोब दुसरे वाहन घेतले आणि त्याच्या टीमने विमासाठी पोलिसांकडे या अपघाताची तक्रार दाखल केली.
All is well ❤️
— Vijay Deverakonda (@TheDeverakonda) October 6, 2025
Car took a hit, but we are all fine. Went and did a strength workout as well and just got back home.
My head hurts but nothing a biryani and sleep will not fix. So biggest hugs and my love to all of you. Don’t let the news stress you 🤗❤️
रविवारी विजय देवरकोंडा त्यांच्या कुटुंबासमवेत श्री सत्य साई बाबांच्या प्रशांती निलायम आश्रमला भेट दिल्यानंतर काही वेळांतच अपघाताची बातमी आली. ३ ऑक्टोबर रोजी विजय आणि रश्मिका मंदाना यांनी अभिनेत्याच्या हैदराबाद हाऊसमध्ये साखरपुडा उरकला. ज्यात कुटुंबातील जवळचे सदस्य उपस्थित होते. सूत्रांनी दिलेल्या माहितीनुसार, फेब्रुवारी २०२६ मध्ये डेस्टिनेशन वेडिंग करणार आहे. विजय किंवा रश्मिका मंदानानेही या साखरपुड्याची अधिकृतपणे पुष्टी केली नाही किंवा त्यांच्या लग्नाच्या नियोजनाविषयी कोणतीही माहिती दिलेली नाही. वर्कफ्रंटवर, विजय अखेर गौतम टिन्नुरीच्या तेलगू चित्रपटात ‘किंगडम’ मध्ये दिसला होता, जो नेटफ्लिक्सवर आहे.
