मराठी मालिकाविश्वातील लोकप्रिय अभिनेत्यांपैकी एक म्हणजे सुयश टिळक. ‘का रे दुरावा’ या मालिकेतून रुपेरी पडद्यावर पदार्पण करणाऱ्या सुयशने आजवर अनेक मालिका, चित्रपट व नाटकांमध्ये महत्वाची भूमिका साकारली आहे. विविध कलाकृतींमधून त्याने साकारलेल्या सर्वच भूमिका प्रेक्षकांच्या पसंतीस उतरल्या आहे. गेल्या काही महिन्यांत सुयश विविध मालिकांमध्ये छोटी-मोठी भूमिका साकारताना दिसला आहे. आता तो आणखी एका मालिकेत महत्वाची भूमिका साकारताना दिसणार आहे. (Suyash Tilak enters in Aboli)
स्टार प्रवाह वाहिनीवरील ‘अबोली’ ही मालिका सध्या प्रेक्षकांचे मनोरंजन करताना दिसत आहे. पोलीस ऑफिसर अंकुश आणि एका साध्या घरातील मुलगी अबोली यांच्याभोवती फिरणाऱ्या मालिकेचे कथानक आता एका वेगळ्या वळणावर येऊन पोहोचली. गेल्या अनेक दिवसांपासून मालिकेत सचित राजेच्या नावाची बरीच चर्चा होत आहे. आतापर्यंत अंकुशच सचित राजे असल्याचं भासवलं जात होतं. मात्र, सचित राजे हा अंकुश नाही, तर दुसराच असल्याचं समोर येत आहे. मालिकेत आता खऱ्या सचित राजेची एन्ट्री होणार असून अभिनेता सुयश टिळक सचित राजेच्या भूमिकेत आपल्याला पाहायला मिळणार आहे.
हे देखील वाचा – “माझं लवकर लग्न होत आहे म्हणून…”, योग्य वयात लग्न होण्याबाबत प्रथमेशने मुग्धाला विचारला प्रश्न, म्हणाली, “ती गोष्ट पटत नाही कारण.. “
सुयशने त्याच्या इन्स्टाग्राम अकाऊंटवर एक व्हिडीओ शेअर केला आहे. ज्यामध्ये तो एका गेटअपमध्ये दिसत आहे. या व्हिडीओला दिलेल्या कॅप्शनमध्ये तो म्हणाला, “नवीन आव्हानात्नक भूमिका”. तर याच भूमिकेतील विविध लूकमधील फोटोजही समोर आले. ज्यात तो स्त्रीवेशासह अन्य लूकमध्ये दिसत आहे. त्याचा हा लुक चाहत्यांसह कलाकार मंडळींना प्रचंड आवडला असून व्हिडिओवर कमेंट करत अभिनेत्याचे कौतुक करत आहे.
हे देखील वाचा – “एक शक्ती आहे जी…”, परफॉर्म, चित्रीकरण करताना श्रेया बुगडेला जाणवते दैवी शक्ती, स्वतःच केला खुलासा, म्हणाली, “दुर्गादेवीचा चेहरा…”
दरम्यान, सचित राजेच्या भूमिका साकारण्यासाठी सुयश खूप उत्सुक असून तो या भूमिकेबद्दल बोलताना म्हणाला की, “सचित राजेचं पात्र साकारणं खरच आव्हानात्मक आहे. मालिकेत मी वेगवेगळी रुपं घेणार आहे. कधी स्त्रीवेशात, तर कधी वृद्धाच्या. कधी रिक्षावालाच्या, तर कधी कडकलक्ष्मीच्या रुपात. एरव्ही मला तयार होण्यासाठी जास्त वेळ लागत नाही. मात्र यामध्ये विविध रुप साकारण्यासाठी मला बरीच मेहनत घ्यावी लागत आहे. तसेच, मी आजवर ज्या भूमिका साकारल्या आहेत, त्यापेक्षा वेगळी व हटके अशी माझी भूमिका यात आहे.” आता मालिकेत खऱ्या सचित राजेची एन्ट्री होणार असल्याने त्याचा काय मनसुबा असणार आहे, हे येत्या पुढील भागांमध्ये आपल्याला पाहायला मिळणार आहे.