‘सातव्या मुलीची सातवी मुलगी’ या मालिकेतून अभिनेत्री तितीक्षा तावडे घराघरांत पोहोचली. या मालिकेतील अभिनयाशिवाय तितीक्षा तिच्या वैयक्तिक आयुष्यामुळेही चर्चेत असते. काही महिन्यांपूर्वीचं तितिक्षाने अभिनेता सिद्धार्थ बोडकेसह लग्नगाठ बांधली. तितीक्षा व सिद्धार्थच्या लग्नसोहळ्याची चांगलीच चर्चा रंगलेली पाहायला मिळाली. अगदी शाही थाटामाटात तितीक्षा व सिद्धार्थचं लग्न पार पडलं. लग्नाचे फोटो, व्हिडीओ ही सोशल मीडियावर तुफान व्हायरल झालेले पाहायला मिळाले. चाहत्यांनीही लाईक्स व कमेंट्सद्वारे दोघांच्या फोटो व व्हिडीओला पसंती दर्शवलेली पाहायला मिळाली. (Titeeksha Tawde Birthday)
आता लग्नानंतर तितीक्षाचा पहिला वाढदिवस असून या वाढदिवसानिमित्त सिद्धार्थने तितीक्षासाठी शेअर केलेल्या खास पोस्टने साऱ्यांचं लक्ष वेधून घेतलं आहे. या पोस्टसह शेअर केलेल्या फोटोंवरुन सिद्धार्थने तितीक्षाचा वाढदिवस साजरा केला असल्याचं दिसत आहे. बलून्सचं डेकोरेशन करत रोमँटिक पोज देतानाचा फोटो त्याने शेअर केला आहे. तितीक्षा व सिद्धार्थ ही सिनेसृष्टीतील क्युट जोडीपैकी एक जोडी आहे.
बायकोसाठी वाढदिवसानिमित्त खास पोस्ट शेअर करत त्याने असं म्हटलं आहे की, “माझ्या सुंदर, अविश्वसनीय पत्नीला आणि माझ्या आयुष्यातील प्रेमाला वाढदिवसाच्या हार्दिक शुभेच्छा. आयुष्यातील व प्रेमातील माझा जोडीदार म्हणून तुझा पहिला वाढदिवस साजरा करत आहे. तुझ्याबरोबरचा प्रत्येक दिवस ही एक भेट आहे आणि आज मी तुझा हा दिवस साजरा करत आहे. तू खूप सर्वोत्कृष्ट आहेस आणि इथे जे काही सर्वोत्तम आहे, त्या सर्वासाठी तू पात्र आहेस. तुझी प्रत्येक स्वप्ने पूर्ण होवोत. तुझी स्वप्ने आता माझी स्वप्ने आहेत. आणि आपण मिळून ही स्वप्ने सत्यात उतरुया”.
सिद्धार्थच्या या पोस्टवर तितीक्षाने कमेंट करत त्याचे आभारही मानले आहेत. तिने असं म्हटलं आहे की, “तू माझी सर्वात चांगला मित्र, माझा विश्वासू आणि माझा सर्वात मोठा आशीर्वाद आहेस. मी करु शकेन इतकं अंतहीन प्रेम तुझ्यावर आहे. तू माझं सर्वस्व आहेस. सर्वात अर्थपूर्ण आणि सर्वात प्रेमळ नवरा मिळाल्याबद्दल मी कृतज्ञ आहे. मी तुझ्यावर प्रेम करते”.