Upendra Limaye Pravin Tarde: मराठी सिनेसृष्टीतील अनेक कलाकार मित्रांच्या जोड्या चर्चेत असतात.अशीच एक प्रसिद्ध मित्रांची जोडी म्हणजे अभिनेते उपेंद्र लिमये व अभिनेता,दिग्दर्शक प्रवीण तरडे.या दोघांचे व्यक्तिमत्व व स्पष्टवक्तेपणा नेहमीच प्रेक्षकांच्या पसंतीस उतरतो.प्रवीण तरडे व उपेंद्र लिमये या मित्रांच्या जोडीने बऱ्याचदा एकत्र काम देखील केले आहे.(Upendra Limaye Pravin Tarde)
नुकत्याच दिलेल्या एका मुलाखतीत या दोघांनी त्यांच्या जुन्या आठवणींना उजाळा दिला आहे, त्याच दरम्यान त्यांनी एकेमेकांसोबतचे अनेक किस्से देखील सांगितले आहे. सुरुवातीच्या काळात उपेंद्र लिमये प्रवीण तरडे यांना म्हणाले होते, “तुला स्टेजवर येऊन मारीन” जाणून घेऊया नेमकं काय घडलं होत.
जाणून घ्या नेमकं काय घडलं होत? (Upendra Limaye Pravin Tarde)
नाटक, एकांकिका हा अनेक कलाकारांच्या आयुष्यातील महत्वाचा भाग असतो. अनेकांचा प्रवास हा एकांकिकेपासून सुरूच झालेला असतो. याचसंदर्भांत प्रवीण तरडेंनी हा किस्सा सांगितला आहे.प्रवीण तरडेंची शेवटची एकांकिका होती, त्या एकांकिकेने बीड मध्ये करंडक जिंकला होता. तर उपेंद्र लिमये तिथे प्रमुख पाहुणे म्हणून आले होते आणि प्रवीण तरडे यांना स्टेज वर बघून उपेंद्र लिमये यांना राग आला. तू अजून एकांकिका करतोयस? असा प्रश्न उपेंद्र यांनी विचारला.
हे देखील वाचा: अधिकारी असून अभिनेत्रीशी लग्न कसं जमलं? समीर वानखेडेंनीच सांगितली लव्हस्टोरी, म्हणाले,”ती माझी…”
त्यावर प्रवीण तरडे म्हणाले, अरे मला ते करुनच आनंद मिळतो.यावर उपेंद्र, प्रवीण यांना असं म्हणाले,तुझी कुवत कळते का काय आहे? तू चित्रपट, व्यावसायिक नाटकं केली पाहिजे. त्यानंतर प्रवीण म्हणाले, अरे पण मला एकांकिका करुनच आनंद मिळतो.तेव्हा उपेंद्र लिमये म्हणाले,” जर तू मला आता कुठल्या स्पर्धेमध्ये दिसलास ना, तर तुला स्टेजवर असताना येऊन मारीन. त्यामुळे आता थांबव हे एकांकिका वगैरे आणि समुद्रात उडी मार,”
