सध्या आपण पाहतोय मराठी चित्रपट आणि हिंदी चित्रपट यांच्या शर्यतीत मराठी चित्रपटांना स्क्रीन्स न मिळणं ही एक मोठी समस्या बनली आहे. TDM चित्रपटाचं प्रदर्शन थांबणं, रावरंभा, फकाट, चौक, या चित्रपटांच्या तारखा पुढे ढकलणं किंवा मराठी चित्रपट न चालणं या सर्वांना आधीपासून अनेक कलाकार, निर्माते, दिगदर्शकानी आपलं मत नोंदवलं आहे असच एकदा परखडपणे मत मांडलं होत ते अभिनेते लक्ष्मीकांत बेर्डे यांनी आणि ते सध्याच्या परिस्थतीलाला तंतोतंत लागू पडताना दिसत आहे.(Reason Behind Flop Marathi Movies)
मिश्किल अंदाजात भाष्य करणारे कलाकार प्रेक्षकांना अधिक आवडतात. कधी कधी चाहत्यांच्या प्रश्नाला नजरअंदाज करणारे कलाकार पाहायला मिळतात पण काही कलाकार चाहत्यांच्या प्रत्येक प्रश्नाला तेवढ्याच खुमासदार शैलीत उत्तर देतात. चाहत्याच्या अशाच एका प्रश्नाला मिश्किल उत्तर दिलं होत अभिनेते लक्ष्मीकांत बेर्डे यांनी. दूरदर्शन वाहिनीवरील एका कार्यक्रमा दरम्यान एका चाहत्याने लक्ष्मीकांत यांना हिंदी चित्रपट चालतात तसे मराठी चित्रपट का चालत नाहीत असा प्रश्न विचारला यावर लक्ष्मीकांत काही उत्तर देणार नाहीत असं अपेक्षित असताना लक्ष्मीकांत म्हणाले तुम्हाला जर वाटत असेल मराठी चित्रपट चालावा तर तुम्ही स्वतः थिएटर मध्ये या आणि येऊन मराठी चित्रपट बघा. मराठी चित्रपट चालवणं हे सर्वस्वी तुमच्या हातात आहे.
पुढे उत्तरादाखल त्यांनी सांगितले जेव्हा साऊथ मध्ये एखादा चित्रपट प्रदर्शित होतो तेव्हा तिथली जनता त्यांना प्रतिसाद देते त्यामुळे त्यांना प्रोत्साहन मिळत. तुम्ही जो पर्यंत थिएटर मध्ये जाऊन चित्रपट बघणार नाही तो पर्यंत मराठी चित्रपट चालणार नाही असं लक्ष्मीकांत म्हणाले.
मराठी चित्रपटांना बहारदार बनवण्यामागे लक्ष्मीकांत बेर्डे यांच्या चित्रपटनांचा मोठा वाटा आहे. अशी ही बनवाबनवी, एक होता विदूषक, धडाकेबाज, दे दणा दन, झपाटलेला, अशा अनेक चित्रपटांनी रुपेरी पडद्यावर धुमाकूळ घातला. आणि आजही प्रेक्षक हे चित्रपट बघताना कंटाळत नाहीत एवढं नक्की(Reason Behind Flop Marathi Movies)
हे देखील वाचा – दादांना राधानगरीच्या जंगलात सुचलं ‘वर ढगाला लागली कळं…’ वाचा नक्की काय आहे किस्सा
सध्याच्या घडीला मराठी चित्रपटांची होणारी हेंडसाळ पाहता लक्ष्मीकांत बेर्डे यांचा त्याकाळी दिलेल्या सल्ला पुन्हा एकदा मराठी चित्रपटांना तारणारा ठरू शकतो.
