Ashok Saraf : मराठी ज्येष्ठ अभिनेते अशोक सराफ यांचा पद्मश्री पुरस्काराने सत्कार करण्यात आला आहे. राष्ट्रपती द्रौपदी मुर्मू यांच्या हस्ते त्यांना हा मनाचा सन्मान देण्यात आला. आजवरच्या अशोक सराफ यांच्या अभिनय कारकिर्दीतील यशासाठी हा पुरस्कार होता. २७ मे रोजी राष्ट्रपती भवनात हा कार्यक्रम पार पडला. अशोक सराफ यांच्या प्रत्येक चाहत्यासह संपूर्ण महाराष्ट्रासाठी हा अभिमानाचा क्षण होता. या पुरस्कारानंतर हा खास क्षण व्हिडीओच्या माध्यमातून शेअर करत त्यांनी आपल्या भावनादेखील शेअर केल्या आहेत. या सगळ्यात अशोक सराफ यांचा विमान प्रवासादरम्यानचा एक व्हिडीओ सोशल मीडियावर तुफान व्हायरल होत आहे. आणि या व्हिडीओने साऱ्यांच्या नजरा वळविल्या आहेत.
अशोक सराफ त्यांच्या कुटुंबासह दिल्ली येथे पुरस्कार सोहळ्यासाठी गेले होते. तेथून परतत असताना विमानप्रवासादरम्यान एक सुंदर असा क्षण त्यांना अनुभवता आला. अशोक सराफ आणि निवेदिता सराफ यांची भाची अदिती परांजपे ही पायलट आहे. आणि अशोक सराफ पद्मश्री पुरस्कार घेऊन परतत असताना त्या विमानाची पायलट ही अदिती होती. त्यावेळी अदिती परांजपेने विमानात खास उद्घोषणा करुन अशोक सराफ यांचे अभिनंदन केले. अशोक सराफ यांनीही अदितीचे आभार मानत विमानात उपस्थित असलेल्या सर्वांना उभं राहत नमस्कार केला.
आणखी वाचा – वैष्णवीचे नको ते चॅट हाती, चारित्र्यावर शंका आणि…; हगवणेंच्या वकिलाचा कोर्टात युक्तिवाद, नेमकं सत्य काय?
सध्या अदिती आणि अशोक सराफ यांचा हा व्हिडीओ सोशल मीडियावर तुफान व्हायरल होत आहे. या व्हिडीओमध्ये अदिती म्हणते की, “नमस्कार! मी फ्लाइट कॅप्टन अदिती परांजपे. दिल्ली टू मुंबई या विमान प्रवासात तुमचे सर्वांचे स्वागत. आजचा प्रवास माझ्यासाठी खूप स्पेशल आहे, कारण माझे काका अशोक सराफ हे माझ्याबरोबर या विमानातून प्रवास करणार आहेत. ज्यांचा नुकताच पद्मश्री पुरस्काराने सन्मान करण्यात आले आहे. याचा मला अभिमान वाटतो. सर्वांनी जोरदार टाळ्या वाजवून त्यांचे कौतुक करावे”.
आणखी वाचा – हिना खान ते महिमा चौधरी…; दीपिका कक्करच्या आधी ‘या’ अभिनेत्रींनी दिली आहे कॅन्सरशी झुंज, मृत्यूशी लढा आणि…
अदिती परांजपेने हा व्हिडीओ सोशल मीडियावर शेअर करून त्याला खास कॅप्शन दिलं आहे. तिने लिहिलं की, “एक अतिशय खास, भावनिक आणि आयुष्यात एकदाच येणारी फ्लाइट.अशोक काका तुमच्याबरोबर प्रवास करताना मला अभिमान वाटतोय. पुन्हा एकदा तुमचे हार्दिक अभिनंदन”.
