Prachi Pisat Sudesh Mhashilkar Controversy : सध्या मराठी मनोरंजन सृष्टीत अभिनेत्री प्राची पिसाटचा मुद्दा चर्चेत आला आहे. ज्येष्ठ अभिनेते सुशील म्हशीलकर यांनी प्राचीला आक्षेपार्ह मॅसेज करत वाईट वागणूक केल्याप्रकरणी प्राचीने आवाज उठविला. यावेळी प्राचीच्या धाडसाचं सिनेसृष्टीतून भरभरुन कौतुक करण्यात आलं. दरम्यान, अनेक चाहते मंडळींनीही प्राचीची बाजू उचलून धरत तिला पाठिंबा दिला. अनेक लोकप्रिय अभिनेत्रींनीं तर प्राचीसाठी खास पोस्ट शेअर केली आणि प्राचीने त्यांचे आभार मानत ही पोस्ट स्टोरीमध्ये रिपोस्टही केली. एकूणच प्राचीला भरभरुन पाठिंबा मिळत असताना प्राचीने केलेल्या एका कृतीने अनेकांना संभ्रमात पाडलं आहे. प्राचीच्या नव्या पोस्टमुळे तिनं या प्रकरणातून युटर्न घेतला असल्याचं बोललं जात आहे.
अभिनेते सुदेश म्हशीलकर (Sudesh Mhashilkar) यांनी ‘तुझा नंबर पाठव ना. तुझ्याशी फ्लर्ट करायची इच्छा झालीये, कसली गोड दिसतेयस’, असा मॅसेज प्राचीला केला. प्राचीनं हा स्क्रीनशॉट सोशल मीडियावर पोस्ट करत अभिनेत्याचा चेहरा सर्वांसमोर आणला. मात्र याचवेळी तिने अभिनेत्यावर अनेक आरोपही केले. पण, आता मात्र, प्राची पिसाटच्या नव्या पोस्टमुळे गोंधळ उडाला आहे. प्राचीने एक स्टोरी पोस्ट करत तिने अभिनेत्यावर आरोप केले नसल्याचं म्हटलं आहे. प्राचीची ही पोस्ट अनेकांना गोंधळवून सोडणारी आहे.
आणखी वाचा – पायलट भाचीकडून स्पेशल Announcement, पद्मश्री अशोक सराफ यांचे विमानप्रवासात कौतुक, म्हणाली, “आजचा प्रवास…”
प्राचीने शेअर केलेल्या या पोस्टमध्ये असं म्हटलं की, “डिअर मिडिया चॅनेल्स आणि अकाऊंट्स तुमचे खूप आभार. तुमच्या पाठिंब्यामुळे आणि दयाळूपणासाठी मी तुमची आभारी आहे. कृपया तुम्ही याची नोंद घ्या की, मी आरोप वगैरे काही केलेले नाहीत. फक्त रिल्पाय आणि स्क्रीनशॉट शेअर केला आहे. विनंती आहे की, कृपया चुकीचे शब्द वापरु नका. तुम्ही सगळे अद्भूत आहात. फक्त विनंती आहे. तुम्ही मिसलीड न करता सपोर्ट कराल, याची मला आशा आहे”.
आणखी वाचा – वैष्णवीचे नको ते चॅट हाती, चारित्र्यावर शंका आणि…; हगवणेंच्या वकिलाचा कोर्टात युक्तिवाद, नेमकं सत्य काय?
याशिवाय प्राचीने स्टोरीमध्ये आणखी पोस्ट शेअर करत अद्यापही सुशील यांनी माफी मागितली नसल्याचं म्हटलं आहे. “आज पाचवा दिवस आहे तरी माफी नाही”, असं म्हणत तिने सर्वांचं लक्ष वेधलं आहे. प्राचीने पोस्टद्वारे तिने आरोप नाही खुलासा केला असल्याचं म्हटलं आहे. ज्याने तिला नेमकं काय म्हणायचं आहे असा प्रश्न पडला आहे. दरम्यान, नेटकऱ्यांनी प्राचीची ही पोस्ट पाहता तिने या प्रकरणात युटर्न घेतला असल्याचं म्हटलं आहे.
