बॉलिवूड अभिनेता आमिर खान हा सतत चर्चेत असतो. त्याची पत्नी किरण रावबरोबर घटस्फोट घेतल्यानंतर मुलगी आयरा खानच्या लग्नात दोघेही एकत्र दिसून आले होते. त्यांतर ‘लापता लेडीज’ चित्रपटाच्या प्रमोशनदरम्यानही एकत्र स्पॉट झाले. पण आता आमिर त्याच्या वैवाहिक आयुष्यामुळे नाही तर अंबानींमुळे चर्चेत आला आहे. नुकताच आमिर अनंत अंबानी व राधिका मर्चंट यांच्या लग्नाआधीच्या कार्यक्रमामध्ये दिसून आला होता. तीन दिवसांच्या या सोहळ्यामध्ये आमिरनेही परफॉर्मन्स सादर केला. पण यावरुन आता आमिर ट्रोलही झाला आहे. यावरुन त्याने आता स्वतःचे मत व्यक्त केले आहे. (Aamir khan live )
आमिर काही ७ मार्चला सोशल मीडियावर लाईव्ह येऊन प्रेक्षकांशी संवाद साधत होता. या लाईव्ह सेशनमध्ये आमिरने आपल्या चाहत्यांना येणाऱ्या प्रोजेक्टबद्दल सांगितले आणि चाहत्यांनी विचारलेल्या प्रश्नांची उत्तरेही दिली. यामध्ये आमिर ने राधिका मर्चंट व अनंत अंबानी यांच्या सोहळ्यादरम्याने मंचावर जाऊन डान्स का केला याचेही उत्तर दिले.
चाहत्याने विचारले की, “तुम्ही तुमच्या मुलीच्या लग्नामध्ये नाचला नाहीत पण अंबानी कुटुंबाच्या सोहळ्यामध्ये डान्स का केला?” त्यावर आमिरने उत्तर दिले की, “मी माझ्या मुलीच्या लग्नामध्येही डान्स केला होता, तसेच मी अंबानींच्या लग्नात यासाठी नाचलो कारण मुकेश अंबानी माझे खूप चांगले मित्र आहेत. मुकेश व नीता अंबानी त्यांची मुलं व माझ्या घरातील सर्व हे एका कुटुंबाप्रमाणेच राहतो. त्यामुळे मी त्या सोहळ्यामध्ये नाचलो”.
आमिरने लाईव्ह सेशनमध्ये येणारा चित्रपट ‘सितारे जमीन पर’ बद्दल बोलताना सांगितले की, “मी या चित्रपटाच्या शूटिंगमध्ये मुंबईत आहे. ‘तारे जमीन पर’ या चित्रपटाशी निगडीत आहे.हा चित्रपट तुम्हाला खूप हसवेल आणि मनोरंजनही करेल”, असे तो म्हणाला.
आमिरने अंबानींच्या कार्यक्रमामध्ये शाहरुख खान व सलमान खानबरोबर राजमौली यांच्या ‘RRR’ चित्रपटातील ‘नाटू नाटू’ गाण्यावर डान्स केला. त्यानंतर मंचावर खान मंडळींबरोबर दाक्षिणात्य सुपरस्टार राम चरणही नाचला.